مانگ/ شێرکۆ بێکەس

"شێرکۆ بێکەس" "شیرکو بیکس" "Sherko bekes"زووتر، زووتر
ئه‌م مانگه نا!
مانگێکی تر هه‌بوو ، جوان تر
ده‌م و چاوی یه‌جگار گه‌ش تر
ئاو شێتی بوو، ئاو شه‌یدای بوو
هه‌موو شه‌وێ له که‌نارا ئه‌هات، ئه‌چوو به ته‌مای بوو
به‌ڵام مانگ له‌و لووته‌لا بوو
زه‌ریا ویستی به فێڵ بیگرێ
شه‌پۆل هه‌رچه‌ند خۆی هه‌ڵ بڕی
ده‌می نه‌گه‌یشته روومه‌تی
مانگ به عه‌نقه‌سد نازی ئه‌کرد
بۆ چاو شارکێ، له ژێر چوخمه‌کانی هه‌ورا خۆی وون ئه‌کرد


هه‌تا جارێ به سه‌فه‌رێ مانگ کۆچی کرد بۆ بیابان
تا چه‌ند شه‌وێ نه‌هاته‌وه‌
که هاته‌وه‌
ته‌پ و تۆز و خۆڵی قاقڕ له ده‌م و چاوی نیشتبوو
تریفه‌ی قژی خۆڵاوی، پۆشاکی زیوینی به‌ری
گه‌رد لێ نیشتوو
ئه‌و کاته‌ی مانگ گه‌ڕایه‌وه‌، ئاو نووستبوو
مانگ بڕیاریدا خۆی بشوات
به په‌له‌په‌ل جلەکانی به‌ری داکه‌ند
رووه‌و زه‌ریا هه‌نگاوی نیا
شڵه‌ژا بوو
مانگ پێی له سه‌ر به‌ردێ دانا
به‌رد زۆر لووس بوو
شڵپه‌یەک هات
مانگ خلیسکا
مانگ نوقم بوو
زه‌ریا وه‌ک شێت و هار هه‌ستا
بۆ مانگ گه‌ڕا
سه‌ری کرد و، خواری کردو، ده‌ستی له ناو بنیا ئه‌گێڕا
هه‌ر چووه سه‌ر، هه‌ر هاته خوار
مانگ هه‌ر نه‌بوو
له‌و شه‌و‌‌ه‌وه‌ هه‌ڵچوون و داچوونی زه‌ریا لەدایک بوو
“شێرکۆ بێکەس”

About these ads

Tags: , ,

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


Follow

Get every new post delivered to your Inbox.

Join 1,579 other followers

%d bloggers like this: