چالاکانی کورد وڵات به‌جێدێڵن!

111به‌ هۆی گووشاره‌کانی ڕه‌ژیم، فیلمسازێکی کورد، ڕۆژهه‌ڵاتی کوردستانی به‌جێهێشت

 “شه‌پۆل ئیبنی عه‌بباسی”، فیلمساز و سیناریستی کوردی مه‌هابادی، به‌ هۆی گووشاری ناوه‌نده‌ ئه‌منیه‌تیه‌کانی ره‌ژیم پاش سازکردنی دووایین فیلمی، به‌ ناچار ڕۆژهه‌ڵاتی کوردستانی به‌جێهێشت.

 به‌ گوێره‌ی ئه‌م زانیاریانه‌ی که‌ به‌ ڕۆژپڕێس گه‌یشتوون، فیلمساز و سیناریستی مه‌هابادی، که‌ تا ئیستا زیاتر له‌ 40 فیلمی دۆکیۆمێنتی و کورته‌ فیلمی به‌رهه‌م هیناوه‌ و له‌گه‌ل زۆربه‌ی که‌ناڵه‌ ئاسمانیه‌ کوردیه‌کانی هاوکاری کردووه‌، له‌ کاتیک دا که‌ سه‌رقالی به‌رهه‌مهێنانی فیلمێکی تر بوو، به‌ هۆی گووشاری ناوه‌نده‌کانی ئه‌منیه‌تی ڕه‌ژیم و مه‌ترسی سه‌ر ژیانی، به‌ ناچار کوردستانی به‌ جێهێشت.

 ناوبراو فیلمی دۆکیۆمێنتی “کۆماری کوردستان له‌ مه‌هاباد”ی به‌ زمانی کوردی سازکردووه‌ وپاشان هه‌وڵی به‌رهه‌م هێنانی فیلمێکی تری به‌ ناوی “بیوگرافی بۆمبی ئه‌تۆم”ی داوه‌ که‌ به‌ هۆی پێنه‌دانی ئیزنی یاسایی له‌ لایه‌ن ناوه‌نده‌کانی پێوه‌ندیداره‌وه‌، به‌ نهێنی سازکراوه‌.

 “شه‌پۆل ئیبنی عه‌بباسی” فیلمساز و ده‌رهێنه‌ری گه‌نجی کورد، به‌رهه‌مێکی تری به‌ ناوی “نغمه‌ ها برای تۆ، زندگی برای من”، که‌ باس له‌ که‌لتووری پێکه‌وه‌ ژیانی کورد و تورک و فارس له‌ سه‌ر یه‌ک جوگرافیا له‌ ناوچه‌ ده‌کاتی سازکردووه‌ که‌ ئه‌م به‌رهه‌مه‌ش ئیزنی یاسایی بڵاوبوونه‌وه‌ی له‌ نێو جه‌ماوه‌ر پێنه‌دراوه‌. دواتر ده‌رهێنه‌ر، له‌ سه‌ر خواستی “به‌رێوه‌به‌رایه‌تی کۆمه‌ڵایه‌تی هێزه‌کانی ئاسایشی ئێران، ناجا” ده‌ست به‌ سازکردنی فیلمێکی تر به‌ ناوی “ژان و ژن” ده‌کات به‌ڵام به‌ هۆی ئه‌وه‌ی که‌ هه‌وڵی گۆڕینی سیناریۆکه‌ی ئه‌دات، له‌ لایه‌ن ئه‌م ناوه‌نده‌وه‌ ده‌خرێته‌ ژێر گووشار و هه‌ره‌شه‌. ناوبراو له‌م دوایانه‌ دا فیلمێکی تر له‌ کوردستان له‌ ژێر ناوی “اینجا سالهاست که‌ سبزند” به‌رهه‌م دێنێ که‌ هاوکات له‌گه‌ل ئاڵۆزیه‌کانی پاش هه‌ڵبژاردنی ئێران و سه‌رهه‌ڵدانی بزووتنه‌وه‌یه‌ک ناسراو به‌ بزووتنه‌وه‌ی “سه‌وز”، ده‌بێت و ئه‌مه‌ش ئاستی کێشه‌کان و هه‌ره‌شه‌ و مه‌ترسی سه‌ر ژیانی چه‌ند قات ده‌کات.

 شه‌پۆل ئیبنی عه‌بباسی، گه‌نجی فیلمسازی مه‌هابادی و خاوه‌نی بڕوانامه‌ی ئه‌ندازیاری کۆمپیوته‌ره‌. له‌ ساڵی 79ی هه‌تاوی سه‌رقالی نووسینی سیناریۆ و ڕۆژنامه‌وانی بووه‌ و پاشان له‌ ساڵی 82ه‌وه‌ به‌ شێوه‌یه‌کی پرۆفێشنه‌ل سه‌رقاڵی سازکردن و ده‌رهێنانی کورته‌ فیلم و فیلمی به‌ڵگه‌نامه‌یی بووه‌ و له‌م ساڵانه‌ی دواییدا هاوکات، له‌گه‌ل زۆربه‌ی که‌ناڵه‌ ئاسمانیه‌کانی کوردستان وه‌کو “زاگرۆس، سپێده‌، کوردستان تی ڤی” و هتد هاوکاری کردووه‌ له‌ دوایین هه‌وڵی دا ویستوویه‌تی فیلمێک له‌ سه‌ر رۆمانی “ئێواره‌ی په‌روانه‌”ی رۆماننووسی کورد “به‌ختیار عه‌لی” سازبکات که‌ به‌ هۆی کێشه‌کانی و به‌جێهێشتنی کوردستان، نه‌یتوانیوه‌ کاره‌که‌ به‌ ئاکام بگه‌یێنی.

 شایانی باسه‌ له‌مدوایانه‌ دا و به‌ تایبه‌ت پاش ئاڵۆزیه‌کانی دوای هه‌ڵبژاردنی سه‌رکۆماری له‌ ئێران، به‌ سه‌دان نووسه‌ر و ڕۆژنامه‌وان، ڕۆشنبیر و چالاکی سیاسی کورد و ئێرانی به‌ هۆی گووشاره‌کانی ره‌ژیم وڵاتیان به‌جێهێشتووه‌ و ڕوویان کردۆته‌ هه‌نده‌ران.

ڕۆژپڕێس

http://www.rojpress.wordpress.com

shepol-ebne-abbasi333

Advertisements

تاگەکان: ,

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s


%d هاوشێوەی ئەم بلۆگەرانە: