بزوتنه‌وه‌ی هاوینی ١٣٨٤و ٢٢ی پووشپه‌ڕ لێک جیا نین/ بیژەن قارەمانی

یاد و بیره‌وه‌ریکی کۆرت له‌ بزوتنه‌وه‌ی سه‌راسه‌ری خه‌ڵکی کوردستان له‌ هاوینی 1384 له‌ ماوه‌ی نیزیک به‌ سێ هه‌وتوو دا.
شوانه‌ سەید قادر کێ بوو و سه‌ر به‌ کام حیزب و ئیدئولوژی بوو، مه‌بەستی ئه‌م نووسراوه‌یە نیه‌ و نووسه‌ری ئه‌م دێڕانه‌ش له‌ نێزیکه‌وه‌ شوانه‌م نه‌ناسیوه‌ و هیچ پێوندیەکم له‌ گه‌ڵیان نەبووه. ته‌نیا له‌ بۆنه‌کان دا له‌ زمان هاوڕێیانم ئاگاداری هه‌ڵوێست و چاونه‌ترسی شوانه‌ بووم. سێ جار له‌ خۆپێشاندانه‌کان دا له‌ نیزیکه‌وه‌ شوانەم دیت که‌ چۆن وه‌ک قاره‌مانێک هاوڕێیانی خۆی هان ده‌دا و وه‌ک پێشەنگ و فەرمانده‌ له‌ پێشیان دا ده‌ڕۆی:
1 ـ له‌ مانگرتن و رخنه‌ له‌ سه‌ر گرانی نان و کرێ تاکسی بوو که‌ خۆ پێشاندانیکی ریکخستبوو له‌ مەیدانی حەیوانان ڕا بۆ بەر ده‌رگای فەرمانداری و له‌وێش ڕا بو فەلەکه‌ی شهرداری ”چوار چرا”. کۆمه‌ڵیک لاوی مه‌هابادی بوون و شوانه‌ له‌ پێشیان بوو و ئالای کۆماری ئیسلامی ئێرانی به‌ شه‌ق وه‌ پێش خۆی دابوو. ئه‌م کاره‌ بوو به‌ هۆی ر‌ق و بیزار‌یەکی زۆری هێزه‌کانی ئێران له‌ شوانه‌ و ئه‌م کاره‌یان زۆر به‌ ڵاوه‌ گران بوو!!

2 ـ له‌ هه‌ڵبژاردنی به‌ڕێز مسعود بارازنی به‌ سه‌روکی هه‌رێم، شوانه‌ و هاوڕێیانی ڕ‌ژانه‌ سه‌ر شه‌قام له‌ پشت تەپ و باغی شایەگان بۆ مەیدانی شورش … که‌ شوانه‌ به‌ هه‌ڵگرتنی وێنه‌ی ”مه‌لا مسته‌فا بارازانی” له‌ پێش خۆپێشاندانەکه‌ دا بوو به‌رەو‌ چوار رێیانی مه‌وله‌وی ده‌روێشتن که‌ له‌ لایان هیزه‌کانی ئیتلاعاتی و ئینتزامی پێشیان لێ گرتن.
3 ـ له‌ 25ی گەلاوێژ و له‌ ده‌وری ئاگری لاوانی مه‌هابادی له‌ خواره‌وه‌ی ئه‌سحابه‌ سپی به‌ بۆنه‌ی ساڵرۆژی دامەزرانی حیزبی دێموکرات.

به‌ کۆرتی تا کاتی شه‌هید کرانی له‌ هه‌موو بۆنه‌ و یاده‌کان دا ”شوانه‌” سه‌ری له‌ نێو سه‌ران بوو و هیچ بۆنه‌یک نەبوو که‌ شوانه‌ ده‌وری خۆی تیدا نه‌بینێ. بۆی گرینگ نەبوو سه‌ر به‌ کام حیزبه.‌ ئه‌وه‌ی به‌ لای شوانه‌ گرینگ بوو هاتنه‌ سه‌ر شه‌قام و یاد کردنه‌وه‌ و زیندو ڕاگرتنی ئه‌م رۆژانه‌ بوو. هه‌ر ئه‌وه‌ش وای کرد که‌ ده‌سه‌ڵات بۆ له‌ ناوبردنی به‌ هه‌ر شێوه‌یەک بێ، دریغی نەکرد.

به‌ پێی به‌ڵگه‌ و نهێنیه‌کانی ئاشکرا کراو له‌ لایان دەستگاکانی ئه‌منیەتی ئێران له‌ سه‌ر کوشتن یا شێوه‌ی کوشتنی شوانه‌ جیاوازی بیرو ڕا هه‌بوو له‌ نێوان ئیتلاعات و نیروی ئێنتزامی. ئیتلاعات پێی وابوو نه‌دەبا شوانه‌ به‌م شێوه‌ له‌ ناو چووبا یا کاتی نەبوو یا دەبا دەستگیر کرابا. به‌ڵام نیروی ئێنتزامی که‌ له‌ ده‌ستی نه‌دەهات ڕاسته‌وخۆ شوانه‌ دەستگیر بکا، له‌ هه‌ما کات دا شوانه‌ و هاوڕێیانی له‌ چوار رێیانه‌ی مه‌وله‌وی ڕا ده‌سه‌ڵاتیان له‌ نیروی ئێنتزامی هه‌ستاندبوو. پێشیان به‌ ڕاو و ڕوت کردنی خه‌ڵک له‌ لایەن ئەم هێزه‌ گرتبوو. بۆیەش له‌ کوشتنی شوانه‌ زۆر به‌ پەله‌ بوون. نیروی ئێنزامی ئه‌و کات وه‌ک ئێستا زۆر کاری به‌ باری سیاسی مەسەله‌که‌ نەبوو. ئه‌وان ئه‌وه‌ی بۆیان گرێنگ بوو ڕاوروت و تالانی خه‌لک بوو که‌ شوانه‌ و هاوڕێیانی له‌ ئاستی دا ڕاوەستابوون. ئیتلاعات له‌ سه‌ر ئه‌و باوه‌ڕه‌ بوو که‌ مه‌رگی شوانه‌ زیاتر خه‌ڵک هان ده‌دا بۆ ڕێز گرتن له‌ 22ی پووشپه‌ڕ، به‌ڵام نیروی ئێنتزامی پێی وا بوو که‌ کۆشتنی شوانه‌ ڕێگر دەبی له‌ یاد کردنه‌وه‌ی‌ ئه‌م رۆژه و‌ خه‌ڵک چاوترسێن دەکا!

شه‌وی 17 له‌ سه‌ر 18 پووشپه‌ڕی 1384هه‌تاوی له‌ نێوان پشت تەپ و هه‌مزاوا دا، له‌ بۆسه‌یەکی داڕێژراو دا، هێزه‌کانی نیروی ئێنتزامی هێرش دەکەنه‌ سه‌ر سێ لاوی مه‌هابادی و له‌ ئاکام دا شوانه‌ی سەید قادر (سید کمال ئه‌سفرام) شه‌هید ده‌کەن و به‌ شێوه‌یەکی نائێنسانی له‌ پشتی ماشینی داوێن و ئەوەندەی بۆیان دەکرێ ته‌رمی بێ گیانی ده‌شێوێنن. له‌ هه‌مان کاتیش دا هه‌ر زۆر زوو تەرمەکەی ڕاده‌ستی بنه‌ماڵه‌ی ده‌کەن تا ته‌سلیم به‌ خاکی بکن و پێش به‌ هه‌ر کێشه‌یکی نه‌خوازراو بگرن! چوون باشیان ده‌زانی مه‌رگی شوانه‌ گەر به‌ شێوه‌یەکی کاتیش بێ ره‌نگدانه‌وه‌ی خۆی له‌ شاری مه‌هاباد بە تایبەت لە گه‌ڕەکه‌کانی پشت تەپ و باغی شایەگان و ئه‌سحابه‌ سپی و مەیدانی حەیوانان لێ دەکەوێتەوە. ئه‌وان پێیان وابوو به‌ مه‌رگی پێشوه‌ختی شوانه‌ له‌ ڕاستی دا پێش به‌ مانگرتن لە ساڵوه‌گەڕی تیرۆری د. قاسملوو له‌ 22ی پووشپه‌ڕ ده‌گرن و له‌ هه‌مان کاتێش دا شوانه‌یان له‌ ناو بردووه‌ که‌ لە شاری مەهاباد ته‌نگی پێ هه‌ڵچنیبوون و ئه‌مانی لێ بڕیبوون. ئەو روداوه‌ له‌ کاتێک دا هاته‌ ئاراوه‌ که‌ ئه‌ندامان و لایەنگران و دوستانی حیزب بۆ ساڵرۆژی شه‌هید د. قاسملوو و هاوڕێیانی هه‌موو کار ئاسانیەکیان له‌ مه‌هاباد و ناوچه‌ی موکریان کردبوو. حاشا له‌ وه‌ش ناکری که‌ له‌م رۆژه‌ دا شوانه‌ش ده‌وری خۆی ده‌بینی و ده‌سه‌ڵاتیش ئه‌م ڕاستیه‌ی باش ده‌زانی.

بڵاوبوونەوەی وێنه‌ی ته‌رمی بێ گیانی ”شوانه‌” له‌ سه‌ر تۆڕی ئینتڕنت له‌ لایان دۆستان و هاوڕێیان و بنه‌ماڵه‌ی شوانه‌ زۆر زوو ده‌نگدانه‌وه‌ی به‌رینی خه‌ڵکی کوردستان به‌ تایبه‌ت مه‌هابادی لێ ساز بوو. هه‌ر له‌ یەکەم سه‌عاتی شه‌هید کردنی دا هه‌ڵویستی خۆیان نیشان دا و ئێواره‌ی ئه‌م رۆژه واتە‌ 18 ی پووشپه‌ڕ، ڕ‌ژانه‌ سه‌ر شه‌قام و مانگرتن و داخستنی دوکان و بازار هه‌ر پێش 22ی پووشپه‌ڕ ده‌ستی پێ کرد. ئه‌و چه‌ند بڵاوکراوەیەی که‌ له‌ کوردستان ئه‌و کات ئیزنی چاپ و بڵاو کردنه‌وەیان هه‌بوو، له‌ سه‌ر ئه‌م رووداوه‌ بابه‌تیان نووسی. دیاره‌ به‌ پێی توانا ده‌وری باشیان گێرا له‌ ناساندنی رووی ڕاسته‌قینه‌ی ئه‌م بزوتنه‌وه‌ و نرخی خۆشێان له‌ سه‌ر دانا.

ده‌رێژه‌دانی خۆپێشاندان و مانگرتنی خه‌ڵکی مه‌هاباد له‌ ئاستی ئه‌م روداوه‌ و نێزیک بوونه‌وه‌ له‌ 22ی پووشپه‌ڕ بەره‌ بەره‌ خه‌ڵکی شاره‌کانی تریشی هان دا که‌ له‌ ئاستی ئه‌م وزعه‌ دا بێ ده‌نگ نه‌بن و دژکردوه‌ و هه‌ڵویست له‌ خۆیان نێشان دەن. ئەوە بوو کە له‌ 22ی پووشپه‌ڕ دا نارەزایەتیەکە به‌ گشتی زۆربه‌ی کوردستانی گرتەوەو قه‌واره‌ و ساختاری بزوتنه‌وه‌یەکی بەرینی به‌ خۆیه‌وه‌ گرت که‌ هه‌موو کوردستانی گرتەوه. بزووتنەوەیەک کە‌ زیاتر نه‌ته‌وەیی و کوردستانی بو تا حیزبی. هه‌رچه‌ند ئه‌رک و زه‌حمه‌تی هاوڕێیانی حیزبی له‌ دڕێژه‌ی بزوتنه‌وه‌که‌ دا به‌ تایبه‌ت له‌ 22ی پووشپه‌ڕ بۆ که‌س شاراوه‌ نیه و‌ زۆر پێش شه‌هیدکردنی شوانه‌ به‌ سه‌دان هه‌زار وێنه‌، سی دی، تراکت و بانگه‌وازیان بۆ ئه‌م رۆژه‌ بلاو کردبۆوه‌. هاتنی چه‌ندین لایانی سیاسی و ئه‌منیەتی له‌ ڕاده‌ی سه‌ره‌وەی ره‌ژێم بۆ مه‌هاباد و سنه‌ و سه‌قز و دانیشتنیان له‌ گه‌ڵ خه‌ڵکی کوردستان زیاتر ڕاستی و هه‌قانیه‌تی ئه‌م بزوتنه‌وه‌مان بۆ ده‌ر دەخا که‌ ته‌نیا مه‌رگی شوانه‌ نه‌بوو به‌ به‌ڵگه‌ی ئه‌م خۆپێشاندانانه‌. مه‌رگی شوانه‌ ته‌نیا ده‌رفه‌تێک بوو بۆ ئه‌م سه‌رهه‌ڵدانه‌ و بۆ به‌ ڕه‌سمی ناسینی 22ی پووشپه‌ڕ و سێ ده‌یه‌ کوشتار و جنایەتی کۆماری ئیسلامی له‌ سه‌ر گه‌لی کورد.

له‌م بزوتنه‌وه‌ی دا که‌ لایەنی ناوخۆیی زیاتر له‌ بەرچاوه‌ و نێزیک به‌ سێ حه‌وتووی کێشا، خه‌ڵکی کوردستان به‌ گشتی ئه‌رکی خۆیان به‌ باشی گیڕا. له‌ نێو ئەوانێش دا نووسەران و روناکبیران ڕاسته‌خۆ وه‌ک نوێنه‌ر و ڕاسپارده‌ی حیزبه‌کان له‌ گه‌ڵ بەرپرسانی ئێرانی دانیشتنیان کرد، ئه‌ندامان و لایەنگرانی حیزبه‌کان به‌تایبه‌ت حیزبی دێموکرات که‌ ئه‌و کات بۆ له‌تکردن له‌ سه‌ر چه‌قۆ بوو، ئێمه‌ی ئه‌ندام و لایەنگر و دۆستی حیزب به‌ نیگەرانی چاومان له‌ پرۆژه‌ و پرۆسه‌ بێ بنه‌مایه‌ بوو. بێ گوومان زیاتر له‌ هه‌موو لایەک ده‌وری خۆیان بینی. له‌م بزوتنه‌وه‌ دا چه‌ندین که‌س شه‌هید و به‌ سه‌دان که‌س گیران و به‌ دەیان که‌س له‌ چالاکان و نووسه‌ران و روناکبیران و ئه‌ندامانی حیزبه‌کان یا توشی زێندان هاتن یا ناچار کران وه‌ڵات به‌ جێ بیڵن که‌ نووسه‌ری ئه‌م دێڕانه‌ یەک له‌و که‌سانه‌یە کە له‌ نێزیکه‌وه‌ ئاگای له‌ به‌شی هه‌ره‌ زۆری ئه‌م روداوه‌ ”تاڵ و شیرینانە” بوو!

بزوتنه‌وه‌ی کوردستان له‌ هاوێنی 1384 هه‌تاوی به‌ شێوه‌یەکی زۆر بێ ره‌حمانه‌ سه‌رکوت و قه‌ڵاچۆ کرا. له‌ لایان حیزبه‌کانیشه‌وه‌ له‌ لاپەڕه‌ی مێژوو بێ هێچ به‌ڵگه‌ و پاساوێک سرایه‌وه‌!! بزوتنه‌وه‌یەکی پڕ نێوه‌روک و پر له‌ شانازی و سه‌رفرازی بۆ گه‌لی کورد به‌ڵام به‌ هه‌تیووی سه‌ری نایه‌وه‌.

به‌ڕێز بێ یاد و ناۆی شه‌هید د ـ قاسملوو و کاک عه‌بدوڵڵا قادری ئازەر و د ـ فازل ره‌سول که‌ بزوتنه‌وەی هاوینی 1384ی خەڵکی کوردستان له‌ سه‌ر ناو و یادی ئەوان به‌ڕێوه‌چوو‌، مه‌رگی شوانه‌ و هاوڕێیانی نرخی ئه‌م یاد و بیره‌وه‌ریەی له‌ مێژووی خه‌باتی گه‌لی کورد دا چەسپاند.

22ی پووشپه‌ڕ رۆژیکی مێژوویی له‌ خه‌باتی گه‌لی کورده‌ که‌ له‌ سه‌ر ناوی هه‌موو خه‌ڵکی کوردستان تومار کراوه‌و تایبه‌ت به‌ هیچ لایه‌ن و حیزبێک نیه‌ .

* له‌ داهاتوو دا و به‌ پێی توانا له‌ سه‌ر 22ی پووشپه‌ڕ و مه‌رگ و که‌سایەتی د. قاسملوو، هه‌ڵویستی دێموکراته‌کان و ته‌نانه‌ت تاکه‌کان له‌ سه‌ر که‌سایتی د. قاسملوو و 40 ساڵ خه‌باتی بێ وچانی ئەو رێبەرە، له‌ ئاکار و کردەوه‌ باشه‌کانی، له‌ هه‌ڵه‌ و کاره‌ ناته‌واوه‌کانی له‌ ڕیزه‌کانی حیزب و بزوتنه‌وه‌ی کورد له‌ ئاکامی مه‌رگی و …. زیاتر دەنووسین.

بیژه‌ن قاره‌مانی- rojhelatpress

وێنەکان: شێرکۆ جیهانی

Advertisements

تاگەکان: , , , ,

7 Responses to “بزوتنه‌وه‌ی هاوینی ١٣٨٤و ٢٢ی پووشپه‌ڕ لێک جیا نین/ بیژەن قارەمانی”

  1. : ڕۆژپڕێس / Rojpress Says:

    «پرونده قتل قاسملو ماهيت سياسی به خود گرفته، نه حقوقی»
    http://www.radiofarda.com/content/f3_ghasemloo_kurdish_leader_anniversary/24264855.html

    در بيست و دوم تيرماه سال ۶۸ خورشيدی، در آپارتمانی در شهر وين ، عبدالرحمان قاسملو ، دبير کل آن زمان حزب دموکرات کردستان ايران ، عبدالله قادری آذر، نماينده اين حزب در خارج و دکتر فاضل رسول، استاد دانشگاه در رشته علوم سياسی در دانشگاه شهر وين در جريان يک ديدار پنهانی با فرستادگانی از سوی جمهوری اسلامی ايران، کشته شدند.

    گفته می شود عوامل اين قتل و ترور ، پس از انجام ماموريت خود را به سفارت ايران در شهر وين رسانده و سپس از اتريش خارج شدند.

    در آن زمان گفته می شد که تهديد جمهوری اسلامی ايران ، سبب شد که دولت اتريش از دستگيری و بازداشت عوامل ترور چشم پوشی کند.

    آليو اسموک وزير خارجه آن زمان اتريش به نوشته روزنامه نوييس فوکس بلات، ضمن آنکه کشته شدن قاسملو و دو تن از يارانش را يک رسوايی خواند، همزمان، از ارعاب و تهديد ايران هم سخن به ميان آورد.
    ولی با اين حال وزير کشور وقت اتريش ، تهديد از سوی جمهوری اسلامی ايران را رد کرد.

    هيوا بهرامی، نماينده حزب دموکرات کردستان ايران در اتريش در گفت و گو با راديو فردا می گويد که «پرونده قتل عبدالرحمان قاسملو و دو تن از يارانش ماهيت سياسی به خود گرفته ، نه حقوقی.»

    هيوا بهرامی : اين مسئله ای بوده است که ما هميشه به آن اعتراض داشتيم. اتريشی های زيادی هم به اين مسئله اعتراض دارند. ولی خوب! ما از هر امکانی که توانسته ايم استفاده کنيم، استفاده کرده ايم.
    اين پرونده از نظر حقوقی مختومه اعلام نشده است. فشارهای سياسی که وجود دارند باعث شده است که نگذارند که دادستان وين اين پرونده را دنبال کند.

    ولی الان توانسته ايم از طريق دوستان اتريشی مان که اينجا تاثيرگذارند کاری کنيم که لااقل اين پرونده زنده نگاه داشته شود و نگذاريم که مختومه اعلام شود.

    ترور های ديگری هم در اروپا وجود داشته است. در برلين ترور و فاجعه ميکونوس و در پاريس هم ترور شاپور بختيار رخ داد. اما در اين پرونده ها حداقل دادگاهی وجود داشت تا حداقل اشاره کنند که چه کسانی مرتکب اين ترورها شده اند.

    آقای هيوا بهرامی، نماينده حزب دموکرات کردستان ايران در اتريش در پايان گفت و گو با راديو فردا ، يادآور می شود که اگر به ترور عبدالرحمان قاسملو و دو تن از يارانش در دادگاهی در اتريش رسيدگی می شد، کشتار در رستوران ميکونوس در برلين، قتل شاپور بختيار در پاريس و پس از آن، فريدون فرخزاد و ديگر مخالفان از سوی عوامل جمهوری اسلامی ايران صورت نمی گرفت.

  2. : ڕۆژپڕێس / Rojpress Says:

    تکایه‌ بۆ ڕاپۆرتێکی هه‌ڵه‌ ڕاستی راپەڕینێک مەخەنە‌ ژێر پر‌سیار!

    6 Feb 2011

    بیژەن قارەمانی
    هاوڕێ و دۆستی خۆشه‌وێست ”کاک سمایل زارعی” له‌ توێی بابه‌تێک دا ره‌خنه‌ و گله‌یی خۆی له‌ کۆمیته‌ی ”حدکا”ی وڵاتی نۆروێژ دەخاته‌ بەرچاوی خوێنه‌ران که‌ بێ گۆمان هه‌م مافی خۆیەتی و هه‌م مافی خه‌ڵک و بیرو ڕای گشتی که‌ ئاگاداری چۆنیەتی رووداوه‌کان بن و له‌ ئاستی هه‌ڵه‌کان دا بێ ده‌نگ نه‌بن. ئه‌وه‌ش که‌ به‌ڕێزیان ئاماژه‌ی پێ کردووه‌ یەکەم هه‌ڵه‌ی حیزب نیه‌ له‌ ئاستی کاری راگەیاندن و ئاخرێشی نابێ به‌ دڵنیایه‌وه‌. چون ئەگەر بابه‌تێک له‌ سه‌ر پاک کردنه‌وه‌ و سڕینه‌وه‌ی لایەنێکی تر ئاماده‌ بکرێ، زۆر زەحمه‌ته‌ بێ که‌مو و کوری بێ . دیاره‌ ته‌نیا ”حدکا ” نیه‌ که‌ له‌ مەیدانی راگەیاندن دا هه‌ڵه‌ی زۆره‌ ، بێ گۆمان هه‌موو لایەنه‌کان به‌ گشتی هه‌ڵه‌ی زه‌ق و بەرچاویان هه‌یه‌ که‌ به‌داخه‌وه‌ په‌یوه‌ندی ڕاسته‌ۆخۆی هه‌یه‌ به‌ نێوان گرژی حیزبه‌کان!
    ئه‌وه‌ی منی هان دا کورته‌ و‌ڵامێک بۆ هاوڕێی به‌ڕێز ” سمایل زارعی” بنووسم گرێدانی ئه‌م باسه‌ به‌ راپەڕینی جه‌ماوه‌ریی هاوینی 1384 هه‌تاوی‌یە که‌ هه‌ر دوکیان وه‌ک یەک چاو لێ دەکا. به‌ باوه‌ری نووسه‌ر زۆر بێ ئێنسافیه‌ رێپێوانێکی کورتی دو سەعاته‌ له‌ گه‌ڵ بزوتنه‌وه‌یەکی جه‌ماوه‌ری و سەراسه‌ری‌ هه‌ڵسەنگاندنیان بۆ بکرێ و ئەوە تووشی هه‌ڵه‌ی زیاترتان دەکا!
    رێگام بدەن با وه‌ک شاهید و شه‌هیدی زیندووی ئه‌م راپەڕینە که‌ ڕاسته‌وخۆ ئاگاداری هێندێک قۆناغی بزوتنه‌وه‌که‌ بووم و په‌یوه‌ندی ڕاسته‌وخۆم له‌ گه‌ڵ ”حدکا ” ی ئه‌و کات هه‌بووە،‌ له‌ ماوه‌ی 15 رۆژی سه‌رهه‌ڵدانەکه‌ ئاماژه‌ به‌ چه‌ند ڕاستی بکەم، هه‌رچه‌ند له‌وانه‌یە له‌ زمان و قه‌ڵەمی من زۆر خۆش نه‌بێ!
    شێوه‌ی مه‌رگی سەید کمال ئەسفەرەم ناسراو به‌ ” شوانه‌ی سەید قادر” له‌ لایەن هیزه‌کانی ئینتزامیی کۆماری ئیسلامی ئێران ته‌نیا سه‌رەتا و به‌هانه‌یەک بوو بۆ سه‌رهه‌ڵدانێکی جه‌ماوه‌ری که‌ سەرەنجام هه‌موو کوردستانی گرته‌وه.‌ ئه‌وش دەستکه‌وتیکی که‌م نه‌بوو. ڕاسته‌ هه‌ڵوێستی حیزبه‌کان و یەک له‌وان حدکا زۆر له‌ واقعی رووداوەکه‌ جیاواز بوون، ئێمه‌ وه‌ک ئه‌ندامانی حیزب هه‌ر ئه‌و کاتیش ره‌خنه‌ی خۆمان به‌ رێبه‌رایەتیی حیزب راگەیاند. نووسه‌ر له‌ ماوه‌ی 15 رۆژی بزوتنه‌وه‌که‌ زۆربه‌ی رۆژه‌کان په‌یوه‌ندی ڕاسته‌خۆی هه‌بوو له‌ گه‌ڵ به‌ڕێزان کاک مسته‌فا هیجری و به‌ڕێز مامۆستا عه‌بدوڵڵا حه‌سەن زاده‌ و ده‌فتەری پاریس.‌ یەک له‌ داواکاریەکانمان وه‌ک ئه‌ندامانی حیزب کاری هاوبەش و به‌یەکه‌وه‌ له‌ گه‌ڵ هێزه‌کانی کوردستانی بو،و یەک له‌وان کۆمه‌ڵه‌ که‌ به‌داخه‌وه‌ هیچ ئاکامێکی نەبوو.
    من لێره‌ ده‌زانم و هه‌ست به‌ نیگەرانی ئێوه‌ی به‌ڕێز ده‌کەم. ره‌خنه‌کەتان له‌ جێگای خۆی دایه‌ به‌ڵام ئه‌وه‌ی که‌ بزوتنه‌وه‌ی ساڵی 1384 هیچ په‌یوه‌ندیەکی به‌ ساڵرۆژی شه‌هید د. قاسملوو نەبووه‌ یا ناوی قاسملوو بۆ یەک جاریش نه‌هاتووه‌ لام زۆر پرسیار ساز دەکا، نووسه‌ری بابه‌ت ئەگەر دێموکرات نەبا، پێویستی به‌ وه‌ڵامدانه‌وه‌ نەبوو. چوون له‌ روانگه‌ی خۆی بۆ باسەکه‌ ده‌چوو به‌ڵام دێموکراتێکی وه‌ک به‌ڕێزتان چۆن ئاوا به‌ ئاسانی حاشا له‌ ڕاستیەک ده‌کەن که‌ باوه‌ری بۆ من زۆر سه‌خته‌. ئێمه‌ هیچ چاوه‌روانی وه‌ها روداوێک به‌ نیسبه‌ت ” شوانەی‌ سەید قادر” نه‌بووین. ڕاسته‌ له‌ نێوان هێزه‌کانی ئیتلاعات و ئینتزامی له‌ سه‌ر گرتن و کوشتنی شوانه‌ کێشه‌ و ململانێ هه‌بوو به‌ڵام ئه‌وانیش پاش شه‌هید کردنی چاوه‌روانی وه‌ها سه‌رهه‌ڵدانێکیان نه‌دەکرد ئه‌ویش له‌و ئاستە دا! هێزه‌کانی ئێران به‌ هۆی دوو بۆنه‌ی 18 و 22 ی پوشپه‌ر له‌ ئاماده‌ باشی ته‌واو دا بوون. هه‌ر بۆیه‌ش هه‌موو هه‌وڵی خۆیان دا که‌ پێش ئه‌م دوو بۆنه،‌ ” شوانه‌ ” ده‌ستگیر بکەن و بەمجۆرە بۆ چاوترسێن کردنی خەڵک تا ڕاده‌یەک فه‌زای شار زیاتر ئه‌منیەتی بکه‌ن. لێره‌ دا ناچمه‌ سه‌ر ئه‌و باسه‌ که‌ بۆ گرتن و کوشتنی شوانه‌ له‌م ساته‌ وەخته‌ دا گرینگ بوو به‌ڵام به‌ مه‌رگی شوانه‌ هه‌موو بەرنامه‌کانیان تێک چوو و ده‌رفەت بۆ خه‌ڵکی ره‌خسا که‌ له‌ ئاستی ئه‌م کرده‌وه‌یەی هێزه‌کانی ئینتزامی دژکرده‌وه‌ نیشان بدەن! ساڵرۆژی شه‌هید کردنی د. قاسملوو هه‌رچی زیاتر هه‌لی ره‌خساند بۆ ڕاپه‌رینێکی جه‌ماوه‌ری و دیتمان هه‌موو کوردستانی گرته‌وه‌ و هه‌ر له‌م روانگەیەشەوە بو که‌ کوردستانیانی ده‌ره‌وه‌ هه‌ڵوێستیان گرت و ته‌نانه‌ت ڕاگەیاندراوه‌کانی ده‌ره‌وه‌ش نەیانتوانی له‌ ئاستی دا بێ ده‌نگ بن. سه‌رچاوه‌ی ئه‌م بزوتنه‌وه‌یە بێ گۆمان مه‌هاباد بوو که‌ تا ئێستاش هه‌ر بەرده‌وامه‌ و هه‌موو کوردستانی داگرتووه‌.
    باس لە راپەڕینی هاوینی 1384 بێ شك تا ئێستا ئه‌و جۆره‌ی پێویسته‌ نەخراوەته‌ بەر باس و لێکدانه‌وه‌ به‌لام به‌ باوه‌ڕی نووسه‌ری ئه‌م دێڕانه‌ یەک له‌م راپەڕینانەیە که‌ خه‌ڵکی کورد شانازی پێ دەکا چوون هه‌لقوڵاوی هه‌ستی نه‌ته‌وایەتی و یەکگرتوویی هه‌موو لایەک بوو. هه‌ر ئه‌وه‌ش وای کرد له‌ ماوه‌ی 15 رۆژ دا پانتایی کوردستان دابگرێ. ته‌نیا که‌م و کوری ئه‌م راپەڕینە نه‌بوونی هاوده‌نگی و یەک هه‌ڵوێستی حیزبه‌کان بوو! ئه‌ندامانی حیزب به‌ گشتی له‌م بزوتنه‌وه‌یە دا ده‌وری سه‌رەکیان هه‌بوو که‌ باس کردنی زۆر پێویست نیه‌ به‌ڵام تا ئه‌و جێگایه‌ی من ئاگادار بم هه‌ر پێش شه‌هید کردنی شوانه‌ به‌ هه‌زاران تراکت، سی دی، وێنه‌ی رێبه‌ری شه‌هید د. قاسملوو چاپ و بلاو کرابوونه‌وه‌ و لە ماوەی راپەڕینەکەش دا ئه‌م کاره‌ به‌رده‌وام کرا. له‌ ڕاستی دا ئه‌ندامانی حیزب چاوه‌روانی وه‌ها رووداێکیان نه‌ده‌کرد به‌ڵام به‌ روودانی ئه‌م واقعه‌ ئه‌رک و بەرپرسیارێتیی ئه‌ندامان و لایەنگرانی حیزب زیاتر بوو. کێشانی چه‌ندین لێژنه‌ی ئه‌منیەتی و سیاسی له‌ ماوه‌ی سه‌رهه‌ڵدانکه‌ بۆ وه‌رمێ، مه‌هاباد، سه‌قز و سنه‌ بێ گۆمان له‌ گرینگنی و بایخی به‌شداری خه‌ڵک و قورسایی هێزه‌ سیاسیەکان بوو. ئه‌وان تێگه‌یشتن که‌ ویست و داخوازی خه‌ڵکی کوردستان تەنیا له‌ سه‌ر شێوه‌ی کوشتنی ” شوانه‌” نیه‌ و په‌یونده‌ی به‌ مافی نه‌ته‌وه‌یی و ڕاسته‌قینه‌ی ئه‌م خه‌ڵکه‌وه‌ هه‌یه‌ و به‌ ڕاشکاویش ئه‌م داوایه‌یان به‌ گویێ کاربه‌دستانی ئێران گەیاند و ڕاشیانگەیاند که‌ ویست و داوای ئێمه‌ی کورد هه‌ر ئه‌م مافانه‌ن که‌ حیزبه‌کان خه‌باتی بۆ ده‌کەن و له‌ ڕاستی دا ئه‌وان نو‌ێنه‌رایەتیی ویستی ئێمه‌ ده‌کەن یا به‌ واته‌یەکی تر ئێمه‌ش خۆمان به‌ نوێنه‌ری ئەوان ده‌زانین!
    بە کورتی راپەڕینی 84 راپەڕینێکی سەراسه‌ری و جه‌ماوه‌ری بوو و هه‌موو لایەنه‌کان تێیدا بەشدار بوون به‌ڵام ئه‌وه‌ی که‌ ناوی حیزب و قاسملووی تێدا نه‌هاتبێ به‌ تایبه‌ت له‌ بەره‌بەری ساڵرۆژی شه‌هید کردنی د. قاسملوو ناکرێ‌ به‌ کێشه‌کانی ناوخۆی حیزب تیکه‌ڵ بکرێ. چوون زۆر بێ ئێنسافیە له‌ ئاستی هاوڕێیانمان له‌ ناوخۆی کوردستان. سالرۆژی شه‌هید د. قاسملوو و ده‌نگدانه‌وه‌ی له‌ ئاستی جیهانی دا و شانازی حدکا و حدک به‌م رۆژه‌ به‌رهه‌می کار و تیکوشان و زه‌حمه‌تی هه‌موو ئه‌ندامان و لایەنگرانی حیزبه‌. تکایه‌ تێکەڵ به‌ کێشه‌کانی دوای له‌تکردنی حیزبی مه‌کەن . ئه‌و کاره‌ی ئێوه‌ش و راپۆرتی هه‌ڵه‌ی حدکاش زۆر جێگای نیگەرانی نیه‌، کورد کوته‌نی له‌ۆ گیرفانه‌ی ده‌چێته‌ ئه‌و گیرفانه‌ی تر و هیچ لایەکمان زه‌ره‌ر ناکەین!!

  3. : رۆژپڕێس/ Rojpress Says:

    ڕۆژمێری ڕووداوەکانی شەهیدبوونی شوانە و ڕاپەڕینی رۆژهەڵاتی کوردستان

    پووشپەڕ ـ گەلاوێژی ٢٧٠٥ (2005)

    (بەشی یەکەم)

    ئامادەکردنی: کۆمیتەی راگەیاندنی PAK

    ١٨ پووشپەڕ: بڵاوکردنەوەی هەواڵی شەهیدبوونی شوانە سەیدقادر

    شەوی ١٨ پووشپەڕی ٢٧٠٥ کوردی (٢٠٠٥ز) پارتی ئازادیی کوردستان لە راگەیەندراوێکی کورتدا هەواڵی شەهیدکرانی شوانە سەیدقادر بڵاودەکاتەوە. لەو بەیاننامەیەدا دەنووسرێ: پاشنیوەڕۆی ئەمڕۆ، ئەندامێکی چالاکی پارتی ئازادیی کوردستان ناسراو بە شوانە سەیدقادر،کەوتووەتەبەر دەسڕێژی هێزەکانی رێژیم و شەهیدکراوە.

    ١٩ پووشپەڕ: هەواڵی شەهیدکرانی شوانە لە ماڵپەڕی کوردستان میدیای حدکاوە

    ڕۆژی ١٩ پووشپەڕ، ماڵپەڕی کوردستان میدیای حیزبی دیموکراتی کوردستانی ئێران،هەواڵی شەهیدبوونی ئەندامێکی پارتی ئازادیی کوردستان بڵاودەکاتەوە. کوردستان میدیا دەڵێ: “بە پێی ڕاگەیاندراوێکی پارتی ئازادیی کوردستان “دوێنێ ١٨پووشپەڕی ١٣٨٤،لەشاری مەهاباد ئەندامێکی ئەو ڕێکخراوە،بەناوی شوانەی سەیدقادر کەوتۆتەبەر دەسڕێژی هێزەکانی رێژیم و گیانی لەدەست داوە.”

    ٢٠ پووشپەڕ: بەیاننامەی پارتی ئازادیی کوردستان بەبۆنەی شەهیدکرانی شوانەوە

    ڕۆژی ٢٠ پووشپەڕی ٢٧٠٥ (١١ ژوولای ٢٠٠٥)، پارتی ئازادیی کوردستان لە بەیاننامەیەکدا لەژێر سەردێڕی: “شەهیدبوونی شوانەی سەید قادر،ئەندامی چالاکی پارتی ئازادیی کوردستان و هەستانی خەڵکی مەهاباد”،چۆنیەتی گەمارۆدران، بەردەسڕێژ کەوتن، بەستنی بەدوای ئۆتۆموبیل و ڕاکێشانی تەرمەکەی و سەرەنجام گیانبەختکردنی شوانە و بردنی تەرمەکەی بۆ شاری ورمێ، بڵاودەکاتەوە.

    ٢٠ پووشپەڕ: ناسنامەی سیاسیی شەهید شوانە سەید قادر

    بەیاننامەی پارتی ئازادیی کوردستان هەروەها کورتەیەک لەژیان و خەبات و ڕۆژ و ساڵی چوونی شوانە بۆ ریزەکانی و ناسناوی حیزبیی بەمجۆرە ئاشکرادەکا: “کاک شوانەی سەیدقادر” کە بە ناسنامە ناوی “سەیدکەماڵ ئەسفەرەم” بوو، لەڕێکەوتی ٢٣/١٠/٢٠٠٤دا بۆخەبات لەپێناو ئازادیی و ڕاماڵینی دوژمنی داگیرکەر، پێوەندی بە پارتی ئازادیی کوردستانەوە کرد و پاش تێپەڕکردنی خولێکی پەروەردەیی، ئەرکی کاروچالاکیی لەشاری مەهابادی گرتە ئەستۆ و بەناوی ڕێکخراوەیی “کوردۆ”وە بەرەو شارەکەی قازی، گەڕایەوە.

    20 پووشپەڕ: هەستانی خەڵکی مەهاباد و بەخاک سپاردنی شوانە

    هەر لەو بەیاننامەیەدا، هەواڵی هەستانی خەڵکی مەهاباد و بەخاک سپاردنی شوانە بڵاودەکرێتەوە. لەم بەشە لە بەیاننامەکەدا هاتووە کە: “ئێوارەی دوێنێ یەکشەممە ١٩پووشپەڕ، کاتێ کە هەواڵی شەهیدبوونی شوانە و بێحورمەتیی کردن بە تەرمەکەی بەهەموو مەهاباددا بڵاوببووەوە، هەزاران کەس رژانەسەرشەقامەکان و لە چواڕێیانی ئازادییەوە بەرەوە فەرمانداری و پاشان باغی شایەگان و دوایە بەرەوە ماڵی شەهید شوانە لە “بەری شیلانان” بەڕێکەوتن. پاش گەیشتنەوەی تەرمەکەی بەسەرشانەوە بەدەم سروودی ئەی ڕەقیب و دروشمی شۆڕشگێڕانەوە بەرەو دوا مەنزڵیان برد. لەساعەت ١:٣٠ پاش نیوەشەودا تەرمی شەهید شوانە بەخاک سپێردرا و تاساعەت نزیکەی ٣ی بەرەبەیان، کۆبوونەوە و ڕێپێوانی خەڵک درێژەی کێشا.

    ٢١پووشپەڕ: وێنەکان لە ئەشکەنجەدرانی شوانە بەر لە مەرگی،دەدوێن

    کۆمەڵێک وێنەی شوانە بڵاودەکرێتەوە کە نیشان دەدەن بەر لە گیانسپاردنی لە لایان مرۆڤ کوژانی داگیرکەری ئێرانەوە ئەشکەنجەدراوە. لەبەیاننامەیەکدا کەرۆژی ٢١پووشپەڕ، پارتی ئازادیی کوردستان دەریدەکا، وێڕای بڵاوکردنەوەی کۆمەڵێک وێنە، ڕاگەیەندراوە کە: “ئەم وێنانەی لێرەدابڵاویان دەکەینەوە، تەرمی شەهید شوانەن کە لە کاتی شۆردنیدا لێی گیراوە. شەهید شوانە پێش گیانسپاردنی دەکەوێتە بەرپێلاقە و قۆنداخە تفەنگ و بەسەردا رۆیشتنی مۆتۆرسکلێتی هێزەکانی دوژمن و پاشان بەدوای ماشێنێکدا ڕادەکێشرێ. لەم وێنانەدا ئەو دڕندەییەی دوژمن لەگەڵ جەستەی نیوەگیانی شەهید شوانە بەڕوونی دیارە. هەروەها بەپێی هەواڵ و بەسەرنجدان بەوێنەکان گوللەیەکی زیاتر لەو گوللانەی لەکاتی ڕووداوەکەدا وەشوانە کەوتوون، بەتەرمەکەیەوە دیارە. گوللەکان لەقاچ و قۆڵی دراون. ئەوەش دەریدەخا کەشەهید شوانە پێش گیانسپاردنی، بەردەوام گوللەی پێوەنراوە و بەئازاردانێکی زۆر و بەردەوام، شەهیدکراوە.”

    ٢٢پووشپەڕ: خەڵکی مەهاباد دەچنە سەر گۆڕی شوانە

    ڕۆژی ٢٢ پووشپەڕ هەزاران کەس لە دانیشتووانی مەهاباد بەدەم ڕێپێوان و بەهەڵکردنی ئاڵای کوردستان وخوێندنی سروودی ئەی ڕەقیب،دەچنە سەر گۆڕی شەهید شوانە. لەگەڕانەوەدا،هێزەکانی رێژیم بەمەبەستی بڵاوەپێکردنی خۆپیشاندەران، گازی فرمێسک ڕێژ بەکاردێنن و بەرەو ئاسمان تەقە دەکەن. خۆپیشاندەران بە بەرد و لەتە خشت بەرپەرچی هێزە داگیرکەرەکان دەدەنەوە. خۆپیشاندان و تێکهەڵچوونەکان چەند گەڕەکی شار دەگرێتەوە و تاساعەت ١١ی شەو درێژەی دەبێ.

    ٢٣پووشپەڕ: لە هەولێر ڕێوڕەسمی ڕێزلێنان لە شوانە و پشتگیریی لەڕاپەڕین پێکدێ

    پاشنیوەڕۆی ٢٣ی پووشپەڕ بە بەشداری ١٠ حیزب و لایەنی سیاسیی هەرچوار پارچەی کوردستان لەبارەگای پارتی ئازادیی کوردستان لە هەولێر، ڕێوڕەسمێک بۆ ڕێزلێنان لەشەهید شوانە و پشتگیریی لە ڕاپەڕینی خەڵکی مەهاباد بەڕێوە دەچێ. لەم ڕێوڕەسمەدا بەڕێز حسەین یەزدانپەنا وتەیەک پێشکەش دەکا. هەروەها نوێنەرانی حیزبە کوردستانییەکان بەو بۆنەیەوە پەیامی هاوخەمی و پشتیوانیی پێشکەش دەکەن. هەرلەم بۆنەیەدا، لاوی جوانەمەرگ “جەهانگیرغەفاری” (ئارتیکا کوردی) پەخشانە شێعرێک پێشکەش دەکا.

    ٢٣ پووشپەڕ: بەگەرمبوونی ڕاپەڕین، ململانێ لەسەر ناسنامەی سیاسیی شوانە دەسپێدەکا

    لەحاڵیکدا لەڕۆژانی یەکەمی شەهید بوونی شوانە و هەستانی خەڵکی مەهاباددا، هەواڵ و زانیارییەکانی ئەم رووداوانە تەنیا لەلایان پارتی ئازادیی کوردستانەوە بایەخی سەرەکیی پێدەدرا، حیزبە سیاسییەکانی دیکەی ڕۆژهەڵاتی کوردستان، سەرنج و بایەخێکی ئەوتۆیان بەو ڕووداوە نەدابوو،بە گەرمبوونی ڕاپەڕین و پرسی شوانە، هێندێک لەحیزب و لایەنەکانی ڕۆژهەڵاتی کوردستان، ئەوەندەی کاریان ببووە ئەوەی،شوانە لە پارتی ئازادیی کوردستان بکەنەوە، ئەوەندە مەبەستیان نەبوو، هەواڵ و دەنگوباسەکانی ڕاپەڕین و پرسی شوانە بوروژێنن و بڵاوبکەنەوە. زۆرجار سەردێڕی هەواڵەکانی میدیای ئەو حیزبانە بەمجۆرە دەستی پێدەکرد: “شوانە سەیدقادر ئەندامی هیچ حیزب و لایەنێکی سیاسی نەبووە”. تەنانەت ئەولایەنانە بۆ ئەم مەبەستە، پێوەندییان بە بنەماڵە و کەسوکاری شوانەوە گرتبوو تا ئەندام نەبوونی شوانە سەید قادر لە پارتی ئازادیی کوردستاندا، بەوان پشت ڕاست بکەنەوە. لەو باروودۆخەدا، تەنانەت ژمارەیەک ماڵپەڕی ئەنترنێتی بایەخی تایبەتیان بەم بابەتەدەدا. هەر لەو کاتەدا کۆمەڵێک وتار و نووسین بڵاوکرانەوە کە پارتی ئازادیی کوردستانیان لەبەرئەوەی دەیگوت شوانە ئەندامیەتی، دابووە بەر هێرش. هاوکات کوردستان میدیا ماڵپەڕی ناوەندیی حدکا هەواڵەکەی رۆژی 19 پووشپەڕی دەسڕێتەوە. لەگەڵ ئەوەشدا پارتی ئازادیی کوردستان وەڵامی ئەو هێرشانە ناداتەوە و داوای هەڵوێستی هاوبەش و هاوکاریی لە نێوان هێزەسیاسییەکاندا دەکا.

    ٢٤پووشپەڕ: ڕاپەڕین لەمەهاباد بڵێسە دەسێنێ

    لە ساعەت ٨ی پاشنیوەڕۆوە، لاوانی شار لە گەڕەکەکانی پشت تەپ، باغی شایەگان و مەیدانی ئیستیقلال و شەهرەکی مەهاباد، هەڵدەستنەوە. دووکەڵی لاستیک و سروودی ئەی رەقیب و دروشمە دژی دەوڵەتییەکان کەشوهەوای شاردادەپۆشێ لەنێوان خۆپیشاندەران و هێزەکانی رێژیمدا تێکهەڵچوون ڕوودەدا. لاوانی مەهاباد لە بەر پەرچدانەوەی هێزەکانی دەوڵەتدا، کۆکتێل مۆلۆتۆف بەکاردەهێنن.

    ٢٥ پووشپەڕ: پێشمەرگە لەمەهاباد دادەبەزێ

    دەستەیەک پێشمەرگەی پارتی ئازادیی کوردستان دادەبەزنە ناوشاری مەهابادەوە. دابەزینی پێشمەرگە و پێوەندیی زیندوو و راستەوخۆی ڕۆژانەیان لەگەڵ ڕێکخەرانی ڕاپەڕین، بڵێسەی ڕاپەڕین دەگەشێنێتەوە. خەڵکی راپەڕیوی مەهاباد خوازیاری بەشداریی پێشمەرگە لە راپەڕین دەبن. ئاڵای کوردستان بەشێوەیەکی بەرچاو لە شەقام و گەڕەکەکانی مەهاباد دەبینرێ.

    ٢٥پووشپەڕ: خۆپیشاندان لەمەهاباد درێژەی هەیە

    بازاڕ و دووکانەکانی مەهاباد داخراون. لەپاشنیوەڕۆدا، خۆپیشاندان لەمەیدانی ئیستیقلال و گەڕەکەکانی پشتەپەوە، دەست پێدەکاتەوە و تادرەنگانی شەو درێژەی دەبێ.

    ٢٧ پووشپەڕ: ڕاپەڕین لەمەهاباد قەتیس ماوە؛ هەڵوێستی حیزبەکان ناکارامەیە

    لە ماوەی 19 تا 27 پووشپەڕ،ڕاپەڕین لەمەهاباد قەتیس ماوە و شارەکانی دیکەی نەگرتووەتەوە. هەڵوێستی ناکارامە و راگەیاندنی لاواز و نەبوونی بەرنامەیەکی کاری عەمەلیی هاوبەشی حیزبە سیاسییەکان هۆکار و فاکتەرێکی گرنگیی قەتیس مانەوەی ڕاپەڕین لە مەهاباد وتەشەنە نەکردنی بۆشارەکانی دیکەیە. لەم ماوەیەدا، دەوڵەتی داگیرکەر پەیتا پەیتا هێز و لەشکر دەرژێنێتە مەهاباد و خەڵکی ئەو شارە تووشی بارقوورسیەکی گەورەبوون.

  4. : رۆژپڕێس/ Rojpress Says:

    به روز شده: 20:53 گرينويچ – يکشنبه 17 ژوئيه 2005

    اين صفحه را برای دوستان خود بفرستيد صفحه بدون عکس
    ناآرامی ها در مهاباد ادامه دارد

    با ادامه درگيری ها در مهاباد در استان آذربايجان غربی به نظر می رسد که ناآرامی های يک هفته ای در اين شهر که جمعيت آن ترکيبی از کردها و ترک هاست، ابعاد تازه ای به خود گرفته است.
    در تازه ترين دور از درگيری ها بين مردم معترض مهاباد و نيروی انتظامی، شنبه شب، ۲۵ تيرماه دست کم يک درجه دار نيروی انتظامی کشته و يک درجه دار ديگر زخمی شده است.

    گزارشها از مهاباد حاکی از آن است که ماموران نيروی انتظامی حضور گسترده ای در سطح شهر دارند.

    گزارش جمشيد برزگر — برنامه جام جهان نما
    ناآرامی ها در مهاباد از روز شنبه گذشته و در پی کشته شدن يک جوان کرد، به نام کمال اسفرم، معروف به شوانه سيد قادری به دست نيروی انتظامی آغاز شد.

    گفته شده نحوه کشته شدن شوانه سيد قادری و انتشار عکس هايی از جسد وی که نشان دهنده ضرب و شتم شديد اوست، احساسات مردم به ويژه در منطقه ميدان استقلال مهاباد را به شدت تحريک کرده و اعتراض آنان را برانگيخته است.

    با اين همه، از آغاز درگيری ها تا کنون، گزارش های متناقضی درباره شوانه سيد قادری منتشر شده است.

    در حالی که برخی گروه های سياسی از وی به عنوان فعالی سياسی نام برده اند، به نقل از جعفر آيين پرست، نماينده مهاباد در پارلمان ايران، گفته شد که وی قاچاقچی بوده است. اما آقای آيين پرست در گفت و گو با بی بی سی اين موضوع را تکذيب کرده است.

    در همين حال، دفتر تحکيم وحدت با انتشار بيانيه ای از کانون مدافعان حقوق بشر و شيرين عبادی، رييس اين کانون خواسته است که دفاع از شوانه سيد قادری را بر عهده بگيرند.

    پس از اعتراض اعراب خوزستان در اهواز، درگيری در مهاباد، دومين ناآرامی قومی گسترده در ايران در سه ماه گذشته محسوب می شود.

    http://www.bbc.co.uk/persian/iran/story/2005/07/050717_sm-jb-mahabad.shtml

  5. : رۆژپڕێس/ Rojpress Says:

    http://www.iran.org/humanrights/torture-victim.htm

  6. : رۆژپڕێس/ Rojpress Says:

    شوانە قادری (سەیید کەمال ئاسفەرام) رۆژی ٢٩/٦/١٩٨٠ لە بنەماڵەیەکی کاسبکار لە شاری مەھاباد لەدایک بووە. باوکی سەیید قادر کوری سەیید عەلی خەڵکی ئاوایی ماوەڵە سەر بەئاوایی کامەمە لە نزیک مەھاباد. لە کاتی راپەڕینی دژی رژێمی پاشایەتیی ئێران ھاتونەتە شاری مەھاباد. بەھۆیی نالەباری ژیانی بنەماڵە، تەنیا ٦ ساڵی لە تەمەنی لاوی دا، توانی بچێتەقوتابخانە. دوایی دەستی کرد بەکاری کرێکاری و پاش چەند سال بوو بەوەستا کاری بەنایی و گەچکاری.
    شوانە ھەستی کرد بەوەزعی نالەباری سیاسی وکۆمەڵایەتی کوردستان وبەشداری لەھەموو راپەرینەکانی ئەو چەند ساڵانەی رابردوو داکردوە. لە ساڵی ١٩٩٩ دوای گیرانی عەبدوڵا ئوجەلان لەو راپەرینەدا، ناوبانگی ئازایەتی دەرکرد و زۆر چالاکانە و بێ وچان لە ھەموو نارەزایەتێەکانی شاری مەھاباد بەشداری ھەبوو. ئەگەر ئاگادار کراباوە کە کەسێک تاوانی لێ دەکرێت، لایەنگری لێ دەکرد و بەتایبەت ئەگەر ھێزی ئینتیزامی و کاربەدەستانی حوکومەتی، سوکایەتیان بە کچان و ژنان کردبایە، ئاگری قین و تورەیی بڵێسەیی دەگرت و نەیدەتوانی بەھیچ شێوەیەک چاوپۆشی بکات. ھەر بۆیە ترسی خسبۆوە ناو ھێزی ئینتیزامی و شاری مەھاباد.
    کاتیک کە حوکمی فیدراڵیسم لە کوردستان بە رەسمی راگەیاندرا و دواتر خەڵکی شاری مەھاباد بە ئاڵایی کوردستانەوە چوونە سەر گۆرستانی قازیەکان و کاتێک کە جەلال تاڵەبانی کرا بە سەرککۆماری عێراق و مەسعود بارزانی بوو بە سەرۆکی کوردستان، شوانە لە ھەموو ئەو خۆپێشاندانانەدا، لەگەڵ خەڵکی شاری مەھاباد، پێشەنگ و ئازایەتیی بەرچاوی بووە. شوانە لە زۆربەیی چالاکیەکانی شاردا بەھەڵگرتنی ئاڵای کوردستان، ھەستی کوردانە و نەتەوایەتی خەڵکی زۆرتر بەرز راگرتووە. لە کاتی ھەڵبژاردنەکانی سەرکۆماری ئێران شوانە وەک زۆربەی خەڵکی کوردستان نەتەنیا بەشداری نەکردووە، خەڵکیشی ھان داوە کە بەشدار نەبن.
    کاتژمیری ٢٠:٣٠ رۆژی شەممە ١٨ پووشپەڕ ١٣٨٤ شوانەی ٢٩ ساڵە لە پشت شەقامی حەمەپان لە گەڕەکی شیلانی شاری مەھاباد، دەکەوێتە بۆسەوکەمین و بەر دەسترێژی کۆمەڵێکی زۆر لەھێزی پاسدار و ئینتیزامی و بەتوندی بریندار دەبێت و بە زیندویی ھەر لەو شۆینە گوللەباران دەکرێت و دواتر بۆ ترساندنی خەڵکی گەرەکەکانی شاری مەھاباد تەرمەکەیی بەدوایی ماشێن دا رای دەکێشن. کە فەرمانداری حوکومەت و شورایی شاری مەھابادیش ئەو تاوانە مەحکووم دەکەن و ە٢ کەس لە ھاورێکانی بەتوندی بریندار دەبن .
    ھێزە ئینتیزامیەکان تەرمەکەی شوانە بۆ شاری ورمێ دەبەن. بنەماڵە و دۆستانی شوانە خۆیان دەگەیەنە ورمێ و دوایی ھەوڵ و چالاکیەکی بێ وچان رۆژی دواتر تەرمەکەی بەرەو شاری مەھاباد دەگەرێتەوە. کاتژمێری ٢٤ رۆژی ١٩ی پووشپەڕ لەکاتێک دا کە ھەزاران کەس لە خەڵکی شاری مەھاباد رژاونەتە شەقامەکان، پێشوازی لە تەرمی شوانە دەکەن و لە کاتژمێری ٣ی بەرەبەیانی لە گۆرستانی شار ئەسپەردەی خاک دەکرێ. پیشەوایی ئایینی و ئیمام جومعەیی گەرەکی شیلان وپشت تەپ رایگەیاند: «سەیید کەماڵ کوڕی زارا شەھیدە. ئەوە تاوانێکی گەورەی دژی ئینسانییەت و نائیسلامیە کە لەبەر ھەڵکردنی ئاڵای کوردستان گوللەباران کراوە و چۆتە رێزی ھەموو شەھیدانی کوردستان.»
    لەمەراسیمی پرسە و سەرەخۆشی دەیان ھەزار کەس لە خەڵکی شاری مەھاباد و ناوچە و شارەکانی تر بەشداریان کرد. لە ھەشتەمین رۆژی خۆپێشاندانەکانی مەھاباد ئاغایی سەمەدی فەرمانداری مەھاباد رایگەیاند کە خەڵک دەبێت ئارام ببنەوە و دەست ھەڵگرن بۆ ئەوە رووداوەکانی ساڵەکانی ١٣٥٩ و ١٣٦١ لە مەھاباد دوپات نەبێتەوە کە لەو ساڵانەدا بە کۆمەڵ خەباتگێران و شۆرشگێرانی شار گوللەباران کران.

  7. : رۆژپڕێس/ Rojpress Says:

    کمال اسفرم معروف به شوان قادری، یک فعال سیاسی کرد بود که در ۱۸تیر ماه ۱۳۸۴ در مهاباد توسط نیروهای امنیتی ایران کشته شد. شیوه کشتن شوانه قادری و عکسهایی که از بدن ضرب و شتم شده او در بین مردم منتشر شد، موجب خشم مردم مهاباد گردید و باعث درگیری مردم و نیروی انتظامی در مهاباد و چند شهر دیگر کردنشین شد. بنا به روایت شاهدان عینی مأموران نیروی انتظامی این جسد نیمه جان شوانه را در خیابانهای مهاباد گردانده بودند[نیازمند منبع].

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s


%d هاوشێوەی ئەم بلۆگەرانە: