پاشگەز بوونەوە لە “نەتەوە”بوونی کورد لە پێناو چی‌دا؟ لە پەڕاوێزی وەڵامەکەی حدکا و حککا بە پان ئیرانیستەکان

خەلیل غەزەڵی- Helwest
پاش ڕاگەیەندراوی هاوپەیمانی یا رێککەوتن لە نێوان حیزبی دێموکراتی کوردستانی ئێران و حیزبی کۆمەڵەی کوردستانی ئیران، هێرشێکی بەربڵاو لەژێر پەردەی پەلامار بۆ سەر ڕاگەیەندراوی ئەو هاوپەیمانی‌یە، لەلایەن رووناکبیر و حیزب و ناوەندە سیاسی‌یەکانی بەناو ئوپوزیسیونی ئیرانی کرایە سەر گەلی کورد و دۆزە رەواکەی. رادەی بێ‌حورمەتی و سنووربەزاندن لە ئاست داخواز و جەوهەری بزووتنەوەی کورد تا ئەو ڕادەیە چوە پێش کە شوڤینیستی ئێرانی بەخۆی ئیجازەیدا هەڕەشەی پەلامار دانی کوردستان بکات و بۆ ئەو مەبەستەش ڕاشکاوانە ئامادە بوو بچێتە ریزی سپای سەرکوتگەری کۆماری ئیسلامی‌یەوە. بەو مەرجەی بە روالەت ئەوە ٣٠ ساڵ زیاترە بۆ رووخانی حکومەتی ئیسلامی تێدەکۆشن و ئامانجی خۆیان “دێموکراسی” و “حکوومەتی خەڵک” ڕاگەیاندوە!!!

لەبەرابەر ئەو هەموو هێرشەی کە لایەن شوڤینیستەکانی ئێرانی‌یەوە کرایە سەر حێزبی دمکرات کوردستانی ئێران و حیزبی کۆمەڵەی کوردستانی ئێران و ئەو بێ‌حورمەتیانە بە نەتەوەکەمان و بزووتنەوە رەواکەی کرا ، ئەو دوو حیزبە بۆ ماویەک بێدەنگ و مات بوون. تا ئەوەی ئەو دوو حیزبە لەمەڕ وەدەنگ هاتن و دیفاع لە هەڵوێستی خۆیان کەوتنە بەر فشاری رووناکبیری کوردەوە، سەرەنجام لە راگەیەندراوێک‌دا پشتیان لە خواستی رووناکبیری کورد کرد و بۆ بەدەست هێنانی دڵی شوڤینیستەکان لە دوو چەمکی سەرەکی ناو ڕاگەیەندراوەکەیان کە پان ئیرانیستەکانی تووڕە‌یانی کردبوو (نەتەوە بوونی کورد و رزگاری نیشتمانی بوونی بزووتنەوەکەی) پاشگەزبوونەوە.

من دڵنیا بووم کە ئەو بێدەنگی‌یە هۆی ئەوە بوو نەدانستە کەوتبوونە وەزعێکی نەخوازراو و خەریکی بیرکردنەوە بوون کە چۆن خۆیان لەو مەخمەسە دەرباز بکەن. تا لەلایەک دڵی رەنجاوی دۆستانیان (فەدایی ئەکسەریەت و کۆماریخوازان و مەشرووتە خوازان و تاکەکانی وەک بابەکی ئەمیر خسروی و…)بەدەست بێننەوە و لە لایەکی دیکەوە ئەو فەزایەی کە هێڕشی ئەو سوڤینیستانە پێکی هێنابوو و تا ڕادەیەک مەشروعیەتی بۆ ئەم دوو حیزبە پێکهێنابوو، بقۆزنەوە و لەدەستی نەدەن.

بەڵام وەزعەکە ئالۆزتر لەوەیە کە رێبەرانی ئەو دوو حیزبە بتوانن بە کەڵکوەرگرتن لە پۆپۆلیزمی هەمیشەییان وا بەئاسانی خۆیانی لێ دەرباز بکەن. بۆیە زۆر بەداخەوە پەنایان بردەوە دۆخەکەی جارانیان و دۆستایەتیی ژمارێک کۆنەپەرست و فاشیست‌یان بەسەر خواستی نەتەوەیی‌دا هەڵبژارد.

ئەم هەڵوێستەی ‌دیموکراتی کوردستانی ئێران و کۆمەڵەی کوردستانی ئێران لە ڕاگەیەندراوێکدا کەلە ڕاگەیەنەرەکان بڵاو بوەتەوە (بەداخەوە) ئەو سووکە هیوایەی کە ڕاگەیەندراوە هاوبەشەکەیان لەمەر یەکگرتن و یەکدەنگیی کورد پێکی هێنابوو‌ دەرەوێنێتەوە و دەیسەلمێنی کە ئەو یەکگرتنە هیچ نەبوە بێجگە لە ژست و مانۆڕی تەبلێغاتی بۆ دەرەوە( دۆستە ئێرانی‌یەکانیان و وڵاتانی دەرەکی) . واتا بیر و روانگەی ئەو دوو حیزبە هیچ گۆڕانی بەسەردا نەهاتوە و ئەگەر لە چەند رۆژی ڕابرد‌دا لە ئەدەبیاتی فارسیی خۆیاندا ئیشارەیان بە چەند چەمکی گرنگی وەک نەتەوە بوو‌نی کورد و رزگاریخواز بوونی بزووتنەوەکەی کردوە (دوو چەمک کە ببوونە هۆی دەهری کردنی پان ئێرانیستەکانی دۆستیان)، باوەڕیان پێ نەبوە و لە دەستیان دەرچووە. پاشگەز بوونەوە لە چمکانە و سڕێنەوەی لە ئەدەبیاتیاندا، ڕاستی ئەو ئیدیعایە من دەسەڵمێنێ.

وەک ئیشارەم پێکرد زۆر بە داخەوە ئێمە لە ڕاگەیەندراوی تەوزیحیی ئەم دوو حیزبەدا (بە زمانی فارسی) ئیتیر چاومان بە دەستە واژەی”ملت”(نەتەوە) بۆ ناو هێنانی کورد ناکەوێ. ئەم دوو حیزبە لە پاشەکشەیەکی شەرمێون دا ، راست و رەوان پشت لە خواست و ئیرادەی گەلەکەیان و بەتایبەت رووناکبیرانی دەکەن و دیسان قەوانی کۆنی هەمیشەییان لەمەڕ هێنانی ناوی کورد لە ئەدەبیاتی فارسیان دا ( لە ترسی ئێرانی‌یەکان) لێ‌دەدەنەوە و کورد لایان دەبێتەوە مەردوم ، خەلق و مللیەت.(من لە بابەتێکی سەربەخۆدا جەعلی بوونی دەستەواژەی مللیەتم شی کردوەتەوە). لەوەش بەسۆتر ئەوەیە کە ناوەرۆکی بزووتنەوەی کوردیش بۆ دڵنیا کردنی شوڤنیستەکان لە “بزووتنەوەی رزگاریخوای”یەوە دەبێتەوە بە “جنبش کوردستان” و… کەلە ڕاستیدا لە مانا و واتا داتەکێندراوە. چوونکە بزووتنەوەی کوردستان بە تەنیا هیچ مانایەکی نی‌یە و تایبەتمەندیی ئەو بزووتنەوە چی‌یە ،روون نی‌یە و دەتوانرێ بەرداشتی بزووتنەوەیەکی عەشایریی لێ بکرێت. لەکاتێکدا تابوە، بزووتنەوەی کورد چووەتە جەرگەی بزووتنەوە‌ی نیشتمانی – رزگاریخوازییەوە و هەر ئەو خسڵەت و تایبەتمەندیە بوە کە شوڤینیزمی ئێرانی و عەرەب و تورکی تۆقاندوە. کەچی ئەم دوو حیزبە بە هەڕەشەی چەند “رووناکبیر”ی پیر و پاتاڵی ئێرانی، بە ئاسانی لە ڕاگەیەندراوی خۆیاندا  لەو ناوەرۆکە بەتاڵێان کرد.

لە هەقێقەت دا ئەو دوو چەمکە دەقیقەن ئەو خاڵانە بوون کە حەساسیەتی ئێرانی‌یەکانی هەڵخڕاندبوو و لە ڕاگەیەندراوەکانیان دا نەتەوە بوونی کوردیان وەک هەڕەشە و مەترسی بۆ سەر چەمکی “ملت ایران” دەزانی و پێداگری بوون کە کورد بەهیچ شێوەیەک ناتوانێ نەتەوە بێت. کەچی دەبینین بە ئاسانی لە ئەدەبیاتی ئەم دوو حێزبە ئەو چەمکانە دەسڕدرێنەوە و بۆ دڵنیاکردنی “دۆستانی ئێرانی‌یان”چەند جار راستەوخۆ و ناڕاستەوخۆ ئیشارە بە یەکێتی خاکی ئێران و حاشاکردن لە “جیاوازی خواز” بوونی خۆیان دەکەن. دیارە مەبەستی من ئەوە نی‌یە کە ئەم حیزبانە هاوار بکەن جیاوازی خوازن، بەڵام پێویستیش ناکات بە قەسەم و ئایە بە ئێرانی‌یەکان بسەلمێنن کە نین. گەلی کورد خوازیارتی “مافی دیاریکردنی چارەنووس”ی خۆیە و گەر ئەو هەلەی بۆ هەڵ کەوێ، ئەوە هەلوێستی دەسەلات و نەتەوەی حاکمە کە هانی دەدات لە کام شکڵی ئەو مافە(سەربەخۆیی، فدرالیزم و تەنانەت خودموختاری و …) کەڵک وەرگرێ.

بێگومان پاشگەز بوونەوەی ئەو دوو حیزبە لەبەرابەر ئێرانچی‌یەکاندا ، لەباتی ئەوە ببێتە هۆی موتمانە کردن پێ‌یان لە دوو لاوە زیانی دەبینین. لایەنی یەکەم گەلی کورد و بەتایبەت توێژی رووناکبیرن، کە ئەوشێوە رەفتارە‌ی ئەو حیزبانە ئەو باوەڕەیان لا دروست دەکات کە ئەم دوو حێزبە تەنیا شتێک کە بیری لێدەکەنەوە بەرژەوەندی خۆیان و دەسەڵاتە و بۆ ئەو مەبەستەش ئامادەی هەر سازش و دابەزینێکن. لایەنی دیکە کە ئێرانی‌ێەکانن، بێگومان تا ئەم دوو حیزبە لەبەرابەریاندا داینوێنن، هەوڵی شکاندن و دەستەمۆ کردنی زۆرتریان دەدەن. وەک لە یەکەم دژ کردەوەکاندا دیتومانە، ئەو هەموو دابەزین و پاشەکشەیەی ئەم دوو حیزبە ئەو هەموو سوێندە لە مەڕ پاراستنی “تمامیت ارضی”(یەکێتی خاک) هیچ شوێنێکی لەسەریان دانەناوە و هێشتا ئەو بەرسڤانەی کە داویانە، بەد گومانی و دردۆنگیان لە ئاست ئەم دوو حیزبە نە رەویتەوە.

تێبینی پاش نووسین:

ئەم بابەتە هەر ئەو رۆژە نووسراوە کە ڕاگەیەندراوی تەوزیحیی حیزبی دێموکراتی کوردسانی ئێران و حیزبی کۆمەڵەی کورستانی ئێران لە ژێر سەردێڕی “وەڵامێکی کورد بۆ پڕوپاگەندەی ژهراوی” بڵاوکرایەوە. ئەوکاتە من تەنیا دەقی فارسیی ئەو ڕاگەیەندراوەم دیتبوو. هەر ئەو رۆژە کورت‌کراوی ئەم دەقەم لەسەر فەیس بووکی خۆم لەژێر سەردێری “پاشەکشەی شەرمێونانەلە بەرابەر شوینیزمی ئێرانیدا” بڵاو کردەوە. بەڵام دواتر دەقی کوردیی ئەو ڕاگەیەندراوەم لەسەر ماڵپەڕی “برووسکە” (کە بەشێوەیەک زمان حالی حیزبی کۆمەڵەی کوردستانە) دیت. کاتێک دەقە کوردیەکەم خوێندەوە، لەو پەڕی ناباوەری دیتم کە پاشەکشە و پاشگەز بوونەوەی ئەم دوو حیزبە تەنیا لە ئەدەبیاتی فارسی‌یان لەمەڕ نەتەوە بوونی کورد و  ناوەرۆکی “رزگاریخوازیی” بزووتنەوەکەی نەبوە . بەڵکە ئەو دابەزینە، پەلی بۆ ناو ئەدەبیات‌یان لە زمانی کوردیش کێشاوە و لە سەرتاسەری ئەو دەقەدا تاقە جارێکیش لە کورد وەک نەتەوە ناو نەبراوە. جا نازانم ئەگەر کورد لە روانگەی ئەم حیزبانەوە نەتەوە نی‌یە، ئیتر ئەوان دوای چی کەوتوون و بۆچی حێزبیان پێک هێناوە و رۆڵەی خەڵکیان لەدەوری کۆکردوەتەوە؟؟

رەنگە زۆرێک لە خوێنەران ئاگادار بن کە لە چەند ساڵی ڕابردوودا چەشنێک پارادۆکس لە نێوان ئەدەبیاتی کوردی و فارسیی حیزبەکانی رۆژهەڵاتدا هەبوو. بەو شیوە کە لە ئەدەبیاتی کوردیدا کورد وەک نەتەوە ناوی دەهات. بەڵام ئەم حیزبانە لەترسی ئەوەی “بوختانی” جیاوازیی خوازیان لێ نەدرێت، لە ئەدەبیاتی فارسیی خۆیاندا لە هێنانی وشەی “ملت”(نەتەوە) بۆ کورد خۆیان دەدزییەوە و هەمیشە لە واژەی جەعلیی “ملیت”  و خلق و مردم کردستان کەڵکیان وەرگرتوە. ئیمە لە ماڵپەڕی هەڵوێست لەو ماوەدا راشکاوانە ئەو پارادوکسەمان بەچاویاندا داوەتەوە و هەمیشە خوازیار بوین هۆی ئەم “یەک بان دوو هەواییە” مان بۆ روون بکەنەوە. کە ئێستاشی لەگەڵ بێت، جگە لە خۆ گێل کردن هیچمان لەو حیزبانە نەدیتوە و نەبیستوە. کەچی بەداخەوە لەم ئاخرەدا کە رێککەوتن‌نامە ئیمزا دەکەن لەباتی ئەوەی خۆیان بەهیزتر ببینن و لەسەر خواستە نەتەوەییەکان شێلگیرتر بن، دەبینین بۆ پاش دەگەرێنەوە و وشەی نەتەوەش لە ئەدەبیاتی کوردیی خۆیاندا دەسڕنەوە. بۆیە من گومان دەخەمە سەر ئەو رێککەوتنەش و دڵنیام لە کاتێ رێککەوتن دا ئەوەی رەچاو نەکراوە بەرژەوەندیی نەتەوەیی بوە و زۆرتر بۆ خۆتەیار کردن بوە دژی نەیارانی ناوخۆیی(حیزبەکانی دیکە) و خۆناساندنی بە ئێرانی‌ێەکان و وڵاتانی دەرەکی وەک نوێنەری کورد بۆ برا بەش. هەنگاوێک کە من هەر لە ئێستەوە لە شکست هێنانی دڵنیام.

لە خوارەوە من هەر دوو دەقی کوردی و فارسیی راگەیەندراوی ئەو دوو حیزبە بە بێ هیچ دەسکارییەک دادەنێم. بەو تێبینی‌یەوە کە هێندێک شووین کە  دەبوا ناوی کورد وەک نەتەوە یا “ملت” و بزووتنەوەکەی  وەک “بزووتنەوەی رزگاریخوازی” بهاتبای بەڵام  گۆڕدراون بە مەردم و خەلق و گەل و.. بزووتنەوەی کورد، رەنگی سوورم کردوون:

وڵامێكی كورت بە پڕوپاگەندەی ژەهراوی دژی خەڵكی كوردستان

لەم رۆژانەی دواییدا و بەدوای بڵاوبوونەوەی رێكەوتننامەی هاوبەشی حیزبی دێمۆكراتی كوردستانی ئێران و كۆمەڵەی شۆڕشگێڕی زەحمەتكێشانی كوردستانی ئێران،  وێڕای پشتگیری كردن و پێشوازی بەربڵاو، شەپۆلێك لە پڕوپاگەندەی ناڕەوای بەلاڕێدا بەری راگەیاندنەكانیش سەبارەت بەم رێكەوت نامەیە كەوتە رێ كە روونكردنەوەی ئێمە ئیمزاكرانی ئەم رێكەوتننامەیە بۆ بیرو ڕای گشتی خەڵكی ئیران پێویستە.

 بەشێك لە پڕوپاگەندەی راگەیاندنەكان وەها دوور لە راستی و قێزەون و وەها نزمە و ئاوێتەی سادە هەڵخڵەتێنییە كە شیاوی ئەوە نییە وڵامێكی جیدی لە لایەن ئێمەوە پێبدرێتەوە. كەسانێك كە داوای تۆبە لە ویلایەتی فەقیه دەكەن وستایشی سەركوتی گەلی كورد دەكەن و رایدەگەیەنن كە ئامادەن بۆ هاوكاری لەم سەركوتە، دەستی رژیمی سەركوتگەری دەسەڵاتدار ماچ بكەن، تا بەخەیاڵی خۆیان بەر بە لەبەریەك هەڵوەشانی ئێران بگرن، چ وڵامێك دەكرێ بدەیتەوە؟

 خەڵكی كوردستان ئەم بێحورمەتی و هەڕەشانەیان زۆربیستووە و لەبەرچاویان نەگرتووە. بەڵام داخی ئێمە لە شەمشیركێشانی كەسانێكە كە لە بەشێك لە روشنبیر و سیاسیە هەڵكەوتوووەكانی ئیران پێك هاتوون و ئێستا لە بەیاننامەیەكی سەرتاپا ناڕاست كەوتونەتە ترس نانەوە و بەلاڕێدا بردنی بیرووڕای گشتی و كەشی بەدگومانی و دوژمنایەتی لە نێَو خەڵكی ئێراندا بڵاو دەكەنەوە.

 ئیمزاكەرانی بەیاننامەكە هەر لە هەنگاوی یەكەمەوە بە درووشمی “دیفاع لە یەكپارچەیی “و “خەبات دژی لە بەریەك هەڵوەشان” واتە چەكێك كە تا ئێستا پەرەپووشكەری گشتیی سەركوتەكانی رژیمی دەسەڵاتدار لە كوردستان بووە، دێنە مەیدان. خودی مانشێتی بەیاننامەكەی ئەوان واتە پارێزگاری لەسەربەخۆیی و یەك پارچەیی ئیران، سەرەتای هەرجۆرە كارێكی بنەڕەتی سیاسی، لە سەر بنەمایەكی بەراوەژوو و نادێموكراتیك دادەنێ.

 بە باوەڕی ئێمە سەرەتای هەركارێكی سەرەكی سیاسی كە بكرێ ئەمرۆ بنەمای یەكگرتنی ئۆپۆزیسیۆنی دێموكراسیخواز بێ و لە داهاتوودا یاسای بنەڕەتی لەسەر بوونیادبنرێ، دیموكراسی، مافی مرۆڤ و فرەچەشنی و بەرەسمی ناسینی مافی نەتەوەكان و ملكەچ بوون بۆ پەنا نەبردن بۆ توندوتیژی لە پەیوەندییە ناوخۆییەكانی خەڵكی ئێرانە و رێك لە بەرچاوگرتن و پابەندبوونی بەم بنەمایەیە كە دەتوانێ بە باشترین شێوە یەكێتی ئێران و سەربەخۆیی راستەقینەی وڵات، كە ئێمەش پارێزگاری لێ دەكەین، دەستەبەر و دابین بكا. جێی داخە كە دۆستانی دێموكراسی خوازی ئێمە كە لەخاڵی دیكەدا بە ئاسانی ستایشی دیموكراسی دەكەن و لەوە سەرمایەیەك بۆخۆیان دەستەبەر بكەن بەڵام كە دەگاتە كوردستان و مافی نەتەوەیی كوردەكان، دیفاع لە دیموكراسی وەها دژوار دەبینن و لە بەرامبەردا وەها نامەسئوولانە پەنا دەبەنە بەرهەڵخڕاندی هەست و پەنادەبەنە بەر گۆپاڵی هەڕەشە و بێ هیچ ترسێكی ئەخلاقی خۆیان لەگەڵ تیمسارەكانی دوێنێ و سەردارانی ئەمڕۆ یەك دەنگ و هاودروشم دەكەن.

 ئەم دیاردەیە بەڕوونترین شێوە دەیسەلمێنی كە لەوڵاتێكی فرە نەتەوەیی ئێراندا هەڵسوكەوتی دروست بەكێشەی نەتەوەكان و بە رەسمی ناسینی مافی ئەوان چ سەنگی مەحەكێكی باشە بۆ ناسینەوەی دیموكراسی خوازی راستەقینە.

 بۆئێمە بەتایبەت جێی داخە كە ژمارەیەك لە دۆستانی ئیمزاكەری بەیاننامەكە وێڕای ئاشنایی نزیكیان لەگەڵ بزوتنەوەی كوردستان و حیزبە كوردیەكان و زانیاریان لە سەر باوەڕ و هەڵوێست و كردەوەی دەیان ساڵەی ئێمە و دوای تەمەنێك كە خۆیان لە گەڵ خەباتگێڕانی كورد پەیوەندییان بووە و هەروەها لە رابردوودا خۆیان بە لاینگری مافی دیاری كردنی چارەنووس و سیستمی فیدڕاڵی بۆ ئێران زانیوە، ئێستا هەموو شتێكیان لە بیربردوەتەوە و لەگەڵ تەرجیع بەندی “جیاخواز دەبێ ئیعدام بكرێ” هاودەم بوون. ئایا ئەم دۆستانە نازانن كە پێكهێنانی ترسی ناراست سەبارەت بەدابەش كردنی ئێران ئاوێكە راستەوخۆ دەچێتە ئاشی رژیمی كۆماری ئیسلامییەوە و تەنیا بە پێكهێنانی دووبەرەكی و دڵساردی لە ریزی بزووتنەوەی گشتی ئازادی خوازانی ئێران خزمەت دەكا. ئەویش لەهەلومەرجێكدا كە زیاتر لە هەركاتێكی تر نەتەوەكانی ئێران بە مەبەستی رووخاندنی رژیم كۆماری ئیسلامیی و بوونیاد نانەوەی ئێران پێویستی بە یەكڕیزی و بەرنامەی هاوبەش هەیە.

 ئێمە ئیمزاكەرانی رێكەتننامەی هاوبەشی حیزبی دێمۆكراتی كوردستانی ئێران و كۆمەڵەی شۆڕشگێڕی زەحمەتكێشانی كوردستانی ئێران وێڕای پێداگری دووبارە لە سەر بەندەكانی رێكەوتننامەكە رایدەگەیەنین كە مەبەستی ئێمە دابین كردنی خواستە بەرحەقەكانی گەلی كورد لە چوارچێوەی ئێرانێكی ئازاد و دێموكراتیك و فێدڕاڵ و سێكۆلار دایە. ئێمە ئەم هەڵوێستە نەك بۆ دڵخۆش كردنی ئەم و ئەو بەڵكو بە پێی باوەڕمان و لە پێناو بەرنامەی سیاسی دەیان ساڵەی حیزبەكانمان وەرگرتووە. ئێمە بەڕاشكاوی لە سەر پێویستی بەرقەراركردنی نیزامێكی فیدڕاڵ لە ئێران پێداگری دەكەین و پێمان وایە وەها نیزامێك نەك خواستی گەلی كورد و باقی نەتەوەكان ئێران بە باشترین شێوە دابین دەكا، بەڵكو هەنگاوێكی گەورەیە لە پێناو دێموكراتیزەكردنی ئێران و قەوارەی سیاسی دەوڵەت لەم وڵاتەدا و هەروەها بەهێزترین زەمانەتی پاراستنی یەكگرتوویی ناوخۆیی كۆمەڵگای ئێران، پێكەوە ژیانی هێمنانەی خەڵك و پاراستنی یەك پارچەیی وڵاتی ئێرانە. بزوتنەوەی كورد هەرگیز پەرەی بە كینە و نەفرەتی قەومی نەداوە و پێداگری لە سەر نەكردووە، بەڵكوو لە ناوەرۆكێكی تەواو دێموكراتیك و پێشكەوتن خوازانە بەهرەمەندە .

 خواستە نەتەوییەكانی كوردیش كە ئەمڕۆ لە دروشمی فدڕالیزم دا خۆی دەنوێنێ‌ لەشێوازە ستانداردە دێموكراتیەكان و پەسەندكراوە جیهانییەكان پەیڕەوی دەكا و لەدژی هیچ نەتەوە و زمان و فەرهەنگێك نەبووە بەڵكوو دژی ساختاری نادیموكراتیك و تۆتالیتێری دەوڵەت لە ئێران و سەركەوتنی خۆشی لە پێكهێنانی گۆڕانكاری دیموكراتیك لە وڵات دا دەبینێ، نەك لە رێگای دوژمنایەتی هیچ بەشێكی دیكەی كۆمەڵگای ئێران.

 ئێمە بە پشت بەستن بە كردەوەی دەیان ساڵەی خۆمان تاكید دەكەین كە كوردستان مەكۆی پتەوی ئازادی خوازیی و دیموكراسی خوازی لە ئێران بووە و دەبێ، لەدژوارترین هەلوومەرجیش دا لە هیچ جۆرە دۆستایەتی و هاوكاری لەگەڵ خەباتكارانی سەراسەری ئێران دەرێغی نەكردوووە، بەڵكوو هەمیشە پاڵپشتی گشت ئازادی خوازانی ئێران بووە. ئەمرَۆش نزیكی و هاوكاری چڕوپری حیزبە خاوەن پێشینەكانی كورد كە گەورەترین پێگەی جەماوەری و متمانەی جەماوەری بەرینیان لە پشتە، لە چوارچێوەی ئەم رێكەتننامەیەدا، بە بەشی خۆمان بەرەی خەبات دژی سەرەڕۆیی حاكم لە ئێران بەهێزدەكا و دەتوانێ وەك بەرەیەكی بەهێز لە پێكهێنانی هەرجۆرە هاوپەیمانییەكی ئۆپوزوسیۆنی دیموكراسی خوازی ئێران دەور ببینێ و هەر بۆیە دەبی لە راستی دا لەگەڵ پێشوازی ئۆپۆزسیۆنی دێموكراسی خوازی سەراسەری بەرەوڕوو بێ و بەسەرەتایەكی باش سەیری بكرێ.

 ئێمە وێڕای رێزی تەواو بۆ هەموو ئەو دۆستانەی كە لە بەرامبەر ئەم جۆرە هێرشە ناڕەوایانەدا دیفاعیان لەگەلی كورد و خواستە بەرهەقەكانی و دیفاعیان لە حیزبە كوردستانییەكان كردووە، ئەو ئاژیتاسیۆنە دوژمنانەیەی كە لە دژی گەلی كورد و حیزبەكانی كەوتۆتە رێ مەحكووم دەكەین و لە سەر ئەو باوەڕەین ئەم جۆرە زمان و پڕوپاگەندە، نامەسئوولانە و نادێموكراتیكە، تەنیا فەزای سیاسی ژەهراوی و ئاڵۆز دەكا و لە هەموو لایەكەوە توندڕەوی پەرە پێدەدا و بزوتنەوی ئازادیخوازی و دژی سەرەڕۆیی گشتی لە ئێران لاوازدەكا. هەربۆیە داوا لەگشت روناكبیران و كەسایەتیكان و هێزە سیاسیەكان دەكەین وێڕای مەحكووم كردنی ئەم هاتوو هاوارە تەبلیغاتییە ژەهراویە، یارمەتی دابین كردنی فەزایەكی گونجاو بۆ دیالۆگی بوونیادنەر و هێمنانە بدەن.

 حیزبی دێمۆكراتی كوردستانی ئێران

كۆمەڵەی شۆڕشگێڕی زەحمەتكێشانی كوردستانی ئێران

22ی خەرمانانی 1391 ی هەتاوی

پاسخی کوتاه به تبلیغات مسموم علیه مردم کردستان

در روزهای اخیر و به دنبال انتشار توافقنامه مشترک حزب دموکرات کردستان ایران و حزب کومه له کردستان ایران و در کنار تأییدها و استقبالهای گسترده، موجی از تبلیغات رسانه ای ناروا و گمراهکننده نیز در قبال این توافقنامه به راه افتاده است که توضیحاتی را از جانب ما امضاکنندگان این توافقنامه برای افکار عمومی مردم ایران ضروری میسازد.

پارەای از این تبلیغات رسانه ای چنان دروغپردازانه و مشمئزکننده و چنان نازل و آمیخته به عوامفریبی است که شایسته یک جوابگوئی جدی از جانب ما نیست. به کسانی که از ولایت فقیه طلب توبه کرده و او را برای سرکوب خلق کرد ستایش میکنند و اعلام میدارند که حاضرند در همگامی با این سرکوب به آستانبوسی رژیم سرکوبگر حاکم بروند تا به خیال خود جلوی تجزیه ایران را بگیرند، چه جوابی میتوان داد؟ مردم کردستان از این توهینها و تهدیدها بسیار شنیده و آنرا نادیده گرفتەاند. تأسف ما اما از شمشیر کشیدن کسانی است که بخشی از نخبگان روشنفکری و سیاسی ایران را تشکیل میدهند و اکنون با بیانیەای سرتاپا غیرواقعی به هراس افکنی و گمراه کردن افکار عمومی می‌پردازند و فضای بدگمانی و دشمنی را در میان مردم ایران دامن میزنند.

امضاکنندگان بیانیه از همان قدم اول با شعار “دفاع از تمامیت ارضی” و “مبارزه با تجزیه طلبی” یعنی حربهای که تاکنون توجیه گر تمام سرکوبهای رژیم حاکم در کردستان بوده وارد میدان میشوند. خود تیتر بیانیه آنها یعنی “حفظ استقلال و تمامیت ارضی ایران، سرآغاز هر کارپایه سیاسی”، بنا را بر یک اصل وارونه و غیردموکراتیک می‌گذارد. به اعتقاد ما سرآغاز هر کارپایه سیاسی که بتواند امروز مبنای اتحاد اپوزیسیون دموکراسیخواه و فردا مبنای قانون اساسی ایران قرار گیرد، دموکراسی، حقوق بشر، پلورالیسم و برسمیت شناختن حقوق ملیتها و تعهد به عدم خشونت در مناسبات داخلی مردمان ایران است و دقیقا رعایت و پایبندی به این اصول است که میتواند به بهترین نحو وحدت ایران و استقلال واقعی کشور را، که ما نیز به طیب خاطر آنرا پاس میداریم، تأمین و تضمین کند. جای تأسف است که دوستان دموکراسیخواه ما که در سایر موارد به راحتی دموکراسی را مورد ستایش قرار میدهند و از آن سرمایەای برای خود میسازند، به کردستان و حقوق ملی کردها که میرسد دفاع از دموکراسی را چنین دشوار مییابند و درعوض چنین نامسئولانه به تحریک احساسات و چرخاندن چماق تهدید متوسل می‌شوند و بدون هیچ دغدغه اخلاقی خود را با تیمسارهای دیروز و سرداران امروز همصدا و هم شعار قرار میدهند. همین پدیده به روشنترین نحو ثابت میکند که در کشور کثیرالملله ایران برخورد صحیح به مسأله ملیتها و به رسمیت شناختن حقوق آنها چه سنگ محک مهمی برای بازشناسی دموکراسیخواهی واقعی است.

برای ما بویژه مایه تأسف است که تعدادی از دوستان امضاکننده بیانیه با وجود آشنائی نزدیک با جنبش کردستان و احزاب کرد و اطلاع از باورها و مواضع و عملکرد دهها ساله ما و پس از عمری که خود با مبارزان کرد حشر و نشر داشته و چه بسا در گذشته خود مدافع حق تعیین سرنوشت و نظام فدراتیو برای ایران بودەاند، حال همه چیز را از یاد برده با ترجیع بند “تجزیه طلب اعدام باید گردد” دم گرفتەاند. آیا این دوستان نمیدانند که ایجاد پانیک غیرواقعی در مورد تجزیه ایران آبی است که مستقیما به آسیاب رژیم جمهوری اسلامی ریخته میشود و تنها به ایجاد تفرقه و دلسردی در صفوف جنبش عمومی آزادیخواهی ایران خدمت میکند؟ آنهم در شرایطی که بیش از هر زمان ملیتهای ایران به منظور سرنگون نمودن رژیم جمهوری اسلامی و ساختن ایران آینده احتیاج به اتحاد و برنامه مشترک دارند.

ما امضاکنندگان توافقنامه مشترک حزب دموکرات کردستان ایران و حزب کومه له کردستان ایران، ضمن تأکید مجدد بر مفاد این توافقنامه اعلام می داریم که هدف ما تأمین خواستهای برحق مردم کرد در چهارچوب یک ایران آزاد، دموکراتیک، فدرال و سکولار است. ما این موضع را نه برای خوشامد این و آن بلکه بر اساس باورمان و در راستای برنامه سیاسی دهها ساله احزابمان اتخاذ کردەایم. ما به صراحت بر لزوم برقراری یک نظام فدرال در ایران تأکید میکنیم و برآنیم که یک چنین نظامی نه فقط خواست خلق کرد و سایر ملیتها را به بهترین نحو تأمین میکند، بلکه گام بزرگی در راه دموکراتیزه کردن ایران و ساختار سیاسی دولت در این کشور و همچنین نیرومندترین ضمانت حفظ همبستگی درونی جامعه ایران، همزیستی مسالمت آمیز مردمان آن و حفظ وحدت کشور ایران است. جنبش کرد هرگز کینه و نفرت قومی را دامن نزده و تأیید نکرده بلکه از محتوائی کاملا دموکراتیک و مترقی برخوردار است. خواستهای ملی کردها نیز که امروزه در شعار فدرالیسم بیان میشود ازنرمها و استانداردهای دموکراتیک و پذیرفته شده جهانی تبعیت میکند و علیه هیچ قومیت و زبان و فرهنگی نبوده بلکه علیه ساختار غیردموکراتیک و فوق متمرکز دولت در ایران است و پیروزی خود را نیز در ایجاد تغییرات دموکراتیک در کشور و نه در ایجاد خصومت با هیچ بخش دیگر جامعه ایران میبیند.

ما به اتکای عملکرد دهها ساله خود تأکید میکنیم که کردستان پایگاه مستحکم آزادیخواهی و دموکراسیخواهی در ایران بوده و میباشد و در سخت‌ترین شرائط نیز از هیچ نوع دوستی و همکاری با مبارزان سراسر ایران دریغ نورزیده بلکه همواره تکیه‌گاه همه آزادیخواهان ایران بوده است. امروز نیز نزدیکی و همکاری فشرده احزاب باسابقه کرد که از بزرگترین پایگاه مردمی و اعتماد تودەهای وسیع برخوردارند در قالب این توافقنامه مشترک، به سهم خود جبهه مبارزه علیه اسبتداد حاکم در ایران را تقویت میکند و میتواند همچون محور محکمی در ایجاد هر ائتلاف اپوزیسیون دموکراسیخواه ایرانی عمل کند و بنابراین بحق باید با استقبال اپوزیسیون دموکراسیخواه سراسر ایران روبرو شده و به فال نیک گرفته شود.

ما ضمن قدردانی عمیق از همه دوستانی که در مقابل اینگونه هجوم های ناروا به دفاع از خلق کرد و خواستهای برحق آن و به دفاع از احزاب کردستان برخاستەاند، آژیتاسیون خصمانەای را که علیه مردم کرد و احزاب آن به راه افتاده است محکوم میکنیم و معتقدیم این نوع زبان و تبلیغات نامسئولانه و غیردموکراتیک تنها فضای سیاسی را مسموم و متشنج کرده و افراط گری را در همه سو تقویت میکند، جنبش آزادیخواهی و ضداستبدادی عمومی در ایران را تضعیف مینماید. بنابراین از همه روشنفکران و شخصیتها و نیروهای سیاسی میخواهیم ضمن تقبیح این هیاهوی تبلیغاتی مسموم کننده به تأمین فضای مناسب برای یک دیالوگ سازنده و متین و توأم با احترام کمک نمایند.

حزب دمکرات کردستان ایران

حزب کومه له کردستان ایران

٢٢ شهریور ماه ١٣٩١

Advertisements

تاگەکان: , , , ,

وەڵامێک بنووسە

Fill in your details below or click an icon to log in:

WordPress.com Logo

You are commenting using your WordPress.com account. Log Out / گۆڕین )

Twitter picture

You are commenting using your Twitter account. Log Out / گۆڕین )

Facebook photo

You are commenting using your Facebook account. Log Out / گۆڕین )

Google+ photo

You are commenting using your Google+ account. Log Out / گۆڕین )

Connecting to %s


%d هاوشێوەی ئەم بلۆگەرانە: