Archive for the ‘شێعری گۆرانی – Lyrics’ Category

خالید ڕەشید – غوربەت

2017/06/15

بێ ڕەنگ و بۆیە ژیانی غوربەت
پڕە لە تاسە و هەنسک و حەسرەت
کە من ڕۆحەکەم لە کوردستانە
بە من چی خۆشی ئەم هەندەرانە

بێ نازو بێ کەس بێ دۆست و هاودەم
بوومەتە هاوڕێی گیانی گیانی خەم
هێندەم نۆشیوە تاڵیی جودایی
بوومەتە پاشای ژینی تەنهایی

بێ کۆڕ و دەستە و ماڵ و میوانم
بەبێ هاوخوان و بێ دیوەخانم
مەڵێن هاوارم بە سەر زارییە
بوونم وابەستەی کوردەوارییە

من خۆشی ژیان نەیخەڵەتاندم
دەستی زۆرداریی دەری پەڕاندم
بێ دەڵدە و چارەم نیمە دەرەتان
لەوێ کوشتنە و لێرەش ڕۆح سووتان

Advertisements

عەباس کەمەندی – بەینی من و تۆ

2017/06/15

بـــه‌ینــی مــن و تـــۆ مـــن و تــۆ نــه‌بــوو
بـــاســی جیــایـی گفتـــــــووگــۆ نــه‌بــــوو
دیسان مــــن و تــــۆ، من و تـــــــۆمــانـــه
باســــــی جیایــــــــــی گفتـــووگــۆمــانــە
هه‌ر بایـــكی مه‌یـۆ له‌سه‌ر كۆی لــه‌یــــلاخ
منیـــش به‌و بایــه‌ ئه‌بــــم خـــۆش ده‌مـــاغ
هـــه‌ر بایــكێ مه‌یـــۆ گــوڵ پێــی ئه‌شنـــیا
یـــاخــوا ئه‌و بایــه‌ هه‌ر بـــۆ من بچــــــێ
هه‌ر بایــكی مه‌یـــۆ گــوڵ پێـــی دایــه‌ بــۆ
یاخـــــــوا ئه‌و بایــه‌ ڕوو بــكا بــه‌ره‌و تـۆ
دییــه‌م نـــه‌ونـه‌مــام، نه‌وتـــوڵی ســـــاوا
پـــــه‌ژاره‌ت وه‌بــــان ئـــه‌م دڵــــــمه‌ لاوه‌
دێیــــــــت و ڕاده‌بــــــری زه‌ره‌ز ســــایــی
نه‌ ســــڵامــــت هه‌س، نــه‌ مه‌رحه‌بایــــێ
‌تــه‌پـڵ و نه‌قـــاره‌ی ڕســوایـیم لێــــــــده‌ن
خه‌بـــــه‌ر شه‌یـــــدایم به‌ شـــار و دێ ده‌ن
مـــۆرێ به‌دنــــامی به‌ن له‌ پێشـــــانیــــــم
“یـــــارم بــه‌ن نه‌یـــژن ” شێتــــم له‌ دوایــی
یان مه‌ســــلوبم كـه‌ن مه‌سیــح ئاســایی
مـــه‌حــاڵه‌ ئـــازیز مه‌یـــــلی جـــودایـــی

نوێترین شێعری عه‌بدوڵا پەشێو بۆ “کەرکووک”

2017/03/15

ئەوەی لەم لا “قودس”تان بوو
لەولا “دڵ”تان
وا لە سایەی تەخت و تاجی ناو زبڵتان
بۆتە مانگای هەمیشە گوان پڕ نەوت و خوێن
بژیوە بۆ قەوچە قەوچ و کەف و کوڵتان
چما “کەرکووك” چۆتە سەر مانگ تا بێتەوە؟
یا سوور بووە وەکوو مێشکی کاڵ و بڵتان
کەرکووك ڕەگە و دانابڕێ
خۆتان لە ڕەگ دابڕاون،
لک بە لک و
چڵ بە چڵتان
گڕکانی ڕق هاتۆتە جۆش
ڕق لە خۆتان
لە کاژەڵەی کەللەی کلۆر،
لە فایلتان…
لە پردی سیڕاتی دێگەڵە
لە بارەگا و بنکە و منکەی
سەر مەڕمەڕی بنکاولتان
لە پەرژینی باخ و مەزرا
لە دیواری حەڕەمسەرای بێ ژماری قل بە قلتان
لە پۆز لێدان،
لە زمانی لووشکەوەشێن
لە گفتاری بێ هەوساری کام و کولتان
کەی بەربینمان بەردەدەن کەی؟!
حیلکەحیلک و موسەلسەلی کۆبوونەوە و
گەرد و خولتان…
کەی دوایی دێ زرمە زلێی تۆم و جێری
پایبەست دەکا گرمەی ئاشی چەنەی شلتان
کەی شاشەکان دەسێننەوە
لە دەستگێڕ و دەڵاڵانی
دەرپێی مێژووی گەڕ و گولتان
دوای چارەتان
بە سەد ساڵیش دەرباز نابن ئاو و هەوا
لە دووکەڵ و تەپکە و سلتان
شێعر ناڵێم،
زاربەند بۆ دەم دەهۆنمەوە
شیش بۆ قەفەس دادەڕێژم،
تەوق بۆ ملتان
ڕەگی حەمرین وا جۆش دەدەم… بقریشکێنێ؛
گووم بە خۆتان،
گووم بە ماددەی سەد و چلتان!

خۆم کرماشانیم- بە دەنگی ناسر رەزازی

2016/12/27

خوەم کرماشانی فارسی نیەزانم
وە زوان کوردی قەزات وە گیانم

گوڵ وەنەوشەی باخانمی، شەوچرای دیواخانمی

کرماشانیگم وە تور گریامە
وەو زوڵفە خاوەت ئەسیر کریامە

گوڵ وەنەوشەی باخانمی، شەوچرای دیواخانمی

ئیمشەو چەن شەوە نیەتیدە خەوم
لە کی تووریایدە گلارەی چەوم

گوڵ وەنەوشەی باخانمی، شەوچرای دیواخانمی

ئەگەر بەیدە پێم ماچ وە ناو دەم
رووژی دە کەڕەت قەزات خەم وە خوەم

گوڵ وەنەوشەی باخانمی، شەوچرای دیواخانمی

خاڵ لێو یەکی خاڵ مل دووان
خاڵ ناو سینەت سەر لە لیم شیوان

گوڵ وەنەوشەی باخانمی، شەو چرای دیواخانمی

تێکستی چەند گۆرانی فۆلکلۆر بە دەنگی ماهیر

2016/12/26

شەمامە و شلێرە، شلێرە، شەمام شلکی
دەمێ وەرە ئێرە، وەرە ئێرە، ناسک و تەنکی
شەمام و شلێرە، شلێرە، شەمام شلکی
دەمێ وەرە ئێرە، وەرە ئێرە
ناسک و تەنکی
خۆ گوناح نییە و خێرە، ئای خێرە
شەمام شلکی
خۆ گوناح نییە خێرە
ناسک و تەنکی

هەی هۆزە و هۆزە لۆ
هەی هۆزە و هۆزە لۆ
شەکر ئاغا هۆزە لۆ
مێرین کەن، مێرین تەو لۆ
کانی ڕەش بۆزە لۆ
شەکر ئاغا کوشتن
خانیێ رۆ رۆزە
شەکر ئاغا کوشتن
خانیێ کۆدۆزە

(more…)

سەر لە سەر ڕانی- بە دەنگی ماملێ

2016/12/26

زۆرم حەول لە دوو دا
سەر لەسەر ڕانی، تاکوو بەیانی
بوومە میوانی نازەنینێ

بێ وەفا بووی نەمزانی
سەر لەسەر ڕانی، تاکوو بەیانی
بوومە میوانی نازەنینێ

شەو و شەوگارم شەق کرد
سەر لەسەر ڕانی، تاکوو بەیانی
بوومە میوانی نازەنینێ

لەناو سینگ و مەمکانی
سەر لەسەر ڕانی، تاکوو بەیانی
بوومە میوانی نازەنینێ

کەڵەگەتێ نابینم
سەر لەسەر ڕانی، تاکوو بەیانی
بوومە میوانی نازەنینێ

هەناوم بۆی نەماوە
سەر لەسەر ڕانی، تاکوو بەیانی
بوومە میوانی نازەنینێ

 

(more…)

ئامۆزا گیان – بە دەنگی ماملێ

2016/12/26

چەندم پێ گوتەگبیرم بی ئامۆزا گیان
بەقسەت نەکردم، خداگیرم بی ئامۆزا گیان
ئامۆزا لەوبەری چۆمی
ئەی هاوار جیرانی خۆمی
ئامۆزا تۆ باڵابەرزی
ئەی هاوار تۆ بۆ من بەرزی

نە چاو تێردەبێ، نە دڵ دەبێزێ ئامۆزا گیان
خۆم لێرە ماوم، یار لە تەورێزێ، ئامۆزا گیان
ئامۆزا تۆ باڵابەرزی
ئەی هاوار تۆ بۆ من فەڕزی
ئامۆزا زۆرم پێ تەرزی
ئەی هاوار گشت گیانم لەرزی

ئەمشۆ لە بەختم، مانگەشەو تارە ئامۆزاگیان
هەر جێیەیک دەچم، سایەم دیارە ئامۆزا گیان
کفنەکەم ببڕن لە کراسی زارا ئامۆزا گیان
ئامۆزا تۆ باڵابەرزی
ئەی هاوار تۆ بۆ من فەڕزی
ئامۆزا زۆرم پێ تەرزی
ئەی هاوار گشت گیانم لەرزی

 

“آخ لیل و داخ لیل”: فولکلور کردی (متن کُردی + ترجمه فارسی)

2016/12/10

آواز و کمانچه: استاد کیهان کلهر(1963-کرماشان)
تنبک: رضا سامانی(1977-چهارمحال و بختیاری)
ئه‌وسا مناڵ بیم، وه‌ڵا مناڵی به‌دخوو
دورانی که کودک بودم، کودکی بدخو
وه‌ ناو مناڵه‌یل، گیان خاک مه‌کریام چوو
همراه کودکان شیطنت می‌کردم
جوان بیم وه‌ عشق، نازار تۆ پیرم کردی
جوان بودم با عشق، نازدار تو پیرم کردی
وه‌ زه‌نجیره‌ی زوڵف، گیان ئه‌سیرم کردی
با زنجیر زلف، اسیرم کردی
ئاخ له‌یل و داخ له‌یل، ئه‌ری‌ له‌یلی باوانم
آخ لیل و داخ لیل، لیلی همه‌کسم
له‌یلی خوه‌ش هاتی روشنای چاوانم
لیلی خوش آمدی روشنایی چشمانم
له‌یلی خوه‌ش هاتی قه‌زات وه‌ گیانم
لیلی خوش آمدی دردت به جانم
تریسکه‌ی ئاگر وه‌ڵا سیه ماڵی نو
درخشش آتش سیاه‌چادرهای نو
خوه‌ش خوه‌ش مه‌سۆزی، گیان وه‌ داوانی کوه
خوش خوش می‌سوزد در دامان کوه
فدای باڵات بام روژی چه‌ن جاره‌
فدای قد و بالات روزی چندین بار
سوبح و نیمه‌ڕو، عه‌سر و ئیواره
صبح و ظهر، عصر و غروب

بەرهەڵبێنە- شێعری وەفایی، بە دەنگی مەزهەری خالقی

2016/12/09

دەچمە سەری سوڵتانی، شەموویە و نایەمەوە
دەست لە کێلان وەردەگرم، چلدانەی دەگرمەوە
بەختی خۆم و یارەکەم، بەتاقی دەکەمەوە
ئەرێ لێیدە بەرهەڵبێنە
بەرهەڵبێنەی خام حەلاوە
هەر دەڕۆیی و دەکراوە
گەلێکیش مەمنوونم بوو
بە دوو ماچ بۆم گرێ داوە
ئەو چاوە تەبیب و بەڵەدی دەردی دڵانە
عیلاجییە بۆ من، کە حەکیمی حاڵ نەزانە
توو خوا دڵم مەشکێنە، وەرە ڕووی خۆت وابێنە
ڕووتە یا گوڵ هەنارە؟ لێوتە یا شەکری خاوە
لەبەر چاوت نەمزانی، بێ باغەوان گوڵ چینم
مەست بووم هۆشم لێ نەبوو، دەمم بۆ ڕووت هێناوە
ماندوو بووە ئارەق بەروواندا دەڕێژێنێ
بەرگی گوڵ و نەسرینم بە گوڵاوی دەڕشێنێ

هۆنراوەی: وەفایی، فۆلکلۆر
میلۆدی: فۆلکلۆر
ئەرێنج: بابەک ڕادمەنش
لەندەن ١٩٨٦

ــــــــــــــــــــــــــــــــــــــــــــــــــــــــــــــــــــ
ھاواری دڵ، گۆرانییەکانی مامۆستا مەزھەر خالقی، ئا: بوار نوورەدین سابیر، چاپی پێنجەم، سلێمانی، چ(شڤان)، ٢٠٠٧.

سازی ناساز- مامۆستا #هێمن, بەدەنگی مریەم ئیبراهیم پور

2016/12/04
بولبلی باڵشکاوی وەختی گوڵم
ھەر شەپۆڵان دەدا دڵی لە کوڵم
کوردی بەندیی بەیانی نەورۆزم
گڕی گرتووە دەروونی پڕ سۆزم
موغی بێ ئاگری شەوی یەلدام
چاوەڕێی چارەنووسی ناپەیدام
کەوی بێ دەنگی نەوبەھارانم
گوڵی بێ ڕەنگی چاو لە بارانم
کونجی جێژوانی چۆڵ و خامۆشم
سێبەری نازەنینی ڕەشپۆشم
دەستی بەربووی کچی گەڕی شاییم
ھەستی خنکاوی لاوی سەوداییم
کێلی گۆڕی شەھیدی گومناوم
تاکە داری کڕووزی بێ ئاوم
دەفتەری شێعری شاعیری ڕووتم
شەمی سەرگۆڕ و داری تابووتم
کونی گیراوی کۆنە شمشاڵم
خەونی ئاڵۆز و خاتیرەی تاڵم
ژیلەمۆی ئاگری بەیانانم
باوکی فرمێسکم و کوڕی ژانم
باڵە سووتاوەکانی پەروانەم
شووشە بادەی بەتاڵی مەیخانەم
چڵە ڕێحانی دوورە دێراوم
سازی ناسازی ھەڵپەسێرراوم
تکە ئاونگی سەر گەڵای زەردم
خەستەو و دەردەداری چی دەردم
ئاخرین تیشکی خۆری پایزم
شاعیری پیری تووڕەو و زیزم
چۆن دەتوانم بە تۆ بڵێم من چیم؟!
خۆم گومانم ھەیە کە ھەم یا نیم؟!
https://www.youtube.com/watch?v=KvUcIKINfcg

ماچی خودایی – مامۆستا #هێمن، بەدەنگی مریەم ئیبراهیم پور

2016/12/04

وەرە یارم، وەرە ئەی تازە یارم!

وەرە ئەستێرەکەی شەوگاری تارم!

وەرە ئەی شاپەڕی باڵی خەیاڵم!

وەرە ئەی شەوچرای ڕووناکی ماڵم!

وەرە خاسەکەوی ڕام و کەویی من!

وەرە ئیلھامەکەی نیوە شەوی من!

وەرە ئۆخژنی سینەی پڕ گڕی من!

وەرە پیرۆزەکەی بەرزە فڕی من!

وەرە ئاونگی سەر پەلکی گوڵی سوور!

وەرە ئاورینگی گەرم و مەشخەڵی نوور!

وەرە ئەی ڕێژنە بارانی بەھاری!

وەرە شێعری تەڕی پڕ وردەکاری!

وەرە ئەی نەونەمامی باخی ژینم!

وەرە ئەی شاگوڵی مێرگی ئەوینم!

وەرە کاروانکوژەی کاتی بەیانیم!

وەرە بیرەوەری و ئاواتی جوانیم!

وەرە ئەی بوت ھەتاکوو بتپەرستم!

وەرە مەمکۆڵەکەت بگرم لە مستم!

وەرە ئەی «خەج»، وەرە ئەی «خاتووزین»م!

وەرە با بەژن و باڵاکەت ببینم!

وەرە با دامرێ ئاوات و تاسەم!

وەرە با بسکەکەت لادا ھەناسەم!

وەرە با ھەڵمژم ئەم لێوە گەرمە!

وەرە با ھەڵگوشم ئەم ڕانە نەرمە!

وەرە جوانێ، وەرە نازت بکێشم!

وەرە وەک دەستەگوڵ داتنێم لە پێشم!

وەرە با بەس بکەم ئەو باوە باوە!

وەرە با بێن بکەم ئەو بسکە خاوە!

وەرە با دەس لە باڵاکەت وەرێنم!

وەرە کوڵمەم لە کوڵمەی تۆ خشێنم!

وەرە سوور بە لەسەر وادە و بەڵێنی!

وەرە کورد بە و مەکە پەیمان شکێنی!

وەرە گیانم فیدای چاوی ڕەشی تۆ!

وەرە با ھەست بکەم گەرمی لەشی تۆ!

وەرە ماچم دەیە ماچی خودایی!

کە بێزارم لە ماچی سینەمایی!

دایە گیان- مامۆستا شەریف حوسێن‌پەناهی

2016/12/04

shahidدایه گیان بگری لەسەر خاكم! كەوا شینم دەوێ

زۆر بگریه دایه گیـان! فرمێــسكی خوێنینـم دەوێ

من گوڵی سـەد ئارەزووی ژینـم له خاكا خەوتووه

خاكی مەیدانی خەبات ڕەنگینی خوێنی من بووه

دامـەنیشـــه دایـه گیـان بۆ هاتنـی من چـاوەڕێ

دڵنیا به! بەسیەتی! بۆ دەنگی دەرگا مەگره گوێ

دایه گیان! سوێندم به فرمێسكی گەش و ئێشی دڵت

دایه گیان! سـوێندم به جـەور و مەینـەتی بێ‌حاسـڵت

من دەمێكه جەرگی سووتاندووم هەناسەی سەردی گەل

دڵ‌پڕی كـردووم خەمـی دەس‌كـورتی و ڕەنـگ‌زەردی گـەل

من كوڕی كوردی شەهیدی ڕێی خەباتم دایه گیان

كـۆتــری خوێنیـن‌پـەڕی باخـی وڵاتــم دایـه گیـــان

هـــەر وەكـــوو بێـــگانەیـێ دڵ پــڕ له نـاكـامـــی و گـــرێ

لەم هەموو دەسته، نەبوو دەستێ كه بێ و دەستم گرێ

من له شاری خۆم غەریب و بۆ هەموو بێگانه خۆم

كۆتـری كـوژراوی ڕێـگای لانه خـۆم، بێ‌لانـه خـۆم

دایه گیان! بگری لەسەر خاكم! كەوا شینم دەوێ

زۆر بگـریه دایه گیـان! فرمێسـكی خوێنینـم دەوێ

دایه گیان! ئەو كیژه وا ئەت‌ویست به بووكی تۆ ببێت

خۆت بده پیشـانی جـارێ، با به هیــوای من نەبێـت

تاكوو بت‌بینێ كه ڕەش‌پۆشی له سەر تا پاتەوه

بەڵكـوو بڕوا، دڵنیــا بێ و مـن له بیـرەو باتــەوه

دایه گیان! بگری لەسەر خاكم! كەوا شینم دەوێ

زۆر بگریه دایه گیـان! فرمێــسكی خوێنینـم دەوێ

لە ملان و لەملانم کە / فۆلکلۆر

2016/11/27

kijikurd

کەی دانیشین دوو به دوو، قەد باریکەی خاڵ له روو
کافری له خوا بردوو، بۆ تۆ ئاورم تێ بەر بوو

قەڵاو سەفین بەرامبەر، شورەکەم عەبای خسته سەر
بۆ خۆی دەچێ بۆ سەیران، ئەمنی کردوه دەر به دەر

چاوت ئە ستێرەی رۆژێ، هەل دێ بەری بەیانی
وەرە تو خوا ماچی کەم، کوشتمی سۆزی بەیانی

نەخۆش و دەردە دارم، دەردەکەم توولانیه
ئەو گولە بان کەن بێ بۆ لام، قەد دوکتۆری وا نی یه

ئه ملان و ئەو لانم که، سووک وەرە دەس لە ملانم که
خۆ من ێەخسیری تۆمه، حەواڵەی شێخانم که

تێکستی بەشێک لە گۆرانییەکانی ناسر ڕەزازی

2016/10/06

rezaziبارانە و بارانە

بارانە و بارانە و دیسان ھەور و بارانە
باران و بارانە و ھەور و ھەڵا و بارانە
ئەرێ ھاوار بە ماڵم پایزە و گەڵارێزانە

ئەرێ دیسان ھەورەکەی ھاوار ساڵانی پێشوو
ئەرێ بۆ جارێکی تر دیسان نیشتە سەر پاشوو

ئەرێ دیسان رێژنەکەی ھاوار پاییزی جاران
ئەرێ خەڵکی ھەژاران ھاوار گوڵی ھەڵوەران

ئەرێ دیسان وەک پێشوو ھاوار بۆ جارێکی تر
ئەرێ لە کەمین دایە ھاوار زریانێکی تر

بارانە و بارانە دیسان ھەور و بارانە
باران و بارانە ھەور و ھەڵا و بارانە
ئەرێ ھاوار بە ماڵم پایزە و گەڵاڕێزانە (more…)

کۆچی لەیلا/ ناسر ڕەزازی

2012/05/14

له سابڵاغێ وەده‌ر که‌وتم
له گوڵەزه‌ردان وە سه‌رکه‌وتم
به دوای کۆچی له‌یلا که‌وتم
هات ڕابوورد، گه‌رده‌ن به خاڵ
دنیای ڕوونی، لێم کردووه تاڵ
ئای شل وای شل، باوانم شل
بۆ تۆ نه‌مام شـــــۆخی خاڵ له مل
ماڵی وێران کردووم چاوی
دێوانه‌م بۆ زولفی خاوی
ئه‌منی هه‌ژار که‌وتمه داوی
ماڵی باوکت سه‌ره‌وژێر بێ
عیزرائیل به ماڵیان فێر بێ
کێ تۆی ڕه‌نجاند ڕه‌ببی کوێر بێ
یاخودا هه‌ر وا گه‌رد و تۆز بێ
ده‌سرۆکه‌ی له لان ئاڵۆز بێ
له‌یلا جه‌ژنت لێ پیرۆز بێ