Posts Tagged ‘Abdulla Pashew’

هۆنراوه‌یه‌كی ناته‌واو/ عەبدوڵا پەشێو

2012/07/31

پەشێو پشیو عبدالله پشیو  pashew peshew abdulla pashew هه‌ر به‌ وشه‌
نیگارێكی ئازیزه‌كه‌ی خۆم كێشاوه‌
سه‌یری ده‌كه‌م:
ده‌ق خۆیه‌تی!
هه‌ر بۆ گوێیه‌ ته‌نكه‌كانی گواره‌ ماوه‌.

فه‌رهه‌نگه‌كان
با به‌خۆیان هه‌ر بنازن
با بڕسكێن
با بخه‌مڵێن به‌ هه‌زاران وشه‌ی به‌ده‌و
به‌ چی ده‌چن
كه‌ په‌یڤێكیان تێدا نه‌بێ
بشێ ببێ به‌ گواره‌ی ئه‌و!

(more…)

Advertisements

چاوەرێتم/ عەبدوڵا پەشێو

2012/07/15

دەگەرێیتەوە سوێند دەخۆم
سوێند دەخۆم دەگەریتەوە
گەر یەك یەكیش سنورەکان میین ڕێژبکەن
بە گولـلە و تیر
دنیا دابێژ دابێژ بکەن
هەموو رۆژێ
لەگەڵ بەری بەیانیدا
بەرەو ئاسۆ
لەدوو دەدەم دەزووی نیگام
وا هەست دەکەم
تۆ دەبیتە باڵدارێکی ئەفسانەیی و
بەیانییەك دێیتەوە لام
دەگەرێیتەوە سوێند دەخۆم
سوێند دەخۆم دەگەرێیتەوە
بۆیە ئەگەر
بست بە بستی ئاسمانیشت لێبتەنن
هەموورۆژێ
لەگەڵ بەرەبەیانیدا
پەنجەرەکان دەکەمەوە
واهەست دەکەم
کەتۆ وەكوو توولە نەمام
بەیانییەك
لەپەنجەرەکەم دەروێی
بەدیواردا هەڵدەگەرێی
دێیتەوە لام..!

له مۆسکۆ ١٩٧٦

دوازده‌ وانه‌ بۆ مناڵان/ عەبدوڵا په‌شێو

2012/05/31

1
مناڵەکان
ئەی یاخییە ژین تاڵەکان
سبەی ئێوە کە گەورە بوون
لە لاوکا
لە حەیرانا
لە مزگەوت و دیوەخانا
لە چیرۆکا
لە هۆنراوەی شاعیرێکی ترسنۆکا
ڕەنگە زۆرتان بەر گوێ کەوێ
باسی ئێمە و ئازایەتی
باسی ئێمە و کوردایەتی
بەڵام نەکەن بڕوا بکەن
درۆی تیایە، درۆی پەتی

2
مناڵەکان
ئێمە تووشی سەد کوێر ڕێین
چرای بیرمان گەلەک کزە
هەنگاوی کوێرانە دەنێین.

(more…)

شاری دوبەی/ عەبدوڵا پەشێو

2012/05/14


چەند ئوتیلیکی بەرزە فر
دوو سێ مۆڵ و ماکەر سیتی
دوو سێ باڵەخانەی تەژە
چەند وەنەوشە و کادیلاک و مۆنیکایەک
چەند قومارگەی چراخان و
چەند مەساژگەی بن زک شێل و
چەند مەلھایەک…
دوو سێ دەرزەن فیستیڤاڵ و
چەند زنجیرە کۆنفرانسێک
چەند چاوەشێکی دەستی دوو
گەرێک شایی، سووکە دانسێک
چیتر ماوە؟
مووچە نەبڕێ لە بەغداوە
چیتر ماوە؟
ھەر ئەمانە و دوای ھەڵدانی
چەند پێکێک مەی
کوردستانتان بو دەکەمە شاری دوبەی!

5 کۆپلە شێعری پەشێو

2012/03/11


کیژۆڵەی دڵگیر، ئەی لە خۆبایی،
بۆچی دەمکوژیت بە ناڕەوایی؟
بۆچی دڵرەقی بەرامبەر بەمن،
کە بتپەرستم هەتاکوو مردن؟
دەزانم بۆچی دڵ پر لەقینی
لە چەقی رێگەش هەرگیز نامبینی:
چونکە دڵپاک و وەفادارم بۆت
شەوانی تاریک بە ئازارم بۆت
چونکە لاوێکم راستم، فێڵباز نیم
چونکە چاو باز نیم بە فیز و ناز نیم
چونکە جل ڕەنگاو ڕەنگی جادە نیم
چونکە قومارچی و فێری بادە نیم

(more…)

لە دیوانی براکووژی/ عەبدوڵڵا پەشێو

2012/02/18

ئەمڕۆ ڕۆژی شێعر نیە
بۆیە من بۆتان دێمە گۆ
بە زمانێکی یەکجار سادە
پێتان دەڵێم
ئەوەی کورد بێ و کورد بکووژێ
زۆڵە
تەرەسە
گەوادە

تێناگەم!
تێناگەم، گەر تفەنگێک، هەزار گوللەی تێدابێ
ڕوو لە کوردێکەوە کرابێ
چۆن دڵی دێ بیپێکێ
با ئاگریش درابێ!

(more…)

ئەگەر ئەمجارە بێمەوە/ عەبدوڵا پەشێو

2011/10/28

ئه‌گه‌ر ئه‌م جاره‌ بێمه‌وه/ له گۆی مه‌مکی هه‌ر کانییه‌ک/ قومه‌ ئاوێک ئه‌خۆمه‌وه/ گشتیان ئه‌که‌م به‌ دایکی خۆم/  له‌ هه‌ر ئه‌شکه‌وتێکا شه‌وێک / سه‌ر به‌ گاشه‌به‌ردێک ده‌که‌م/ گشتیان ئه‌که‌م به‌ لانکی خۆم/ ئه‌گه‌ر ئه‌مجاره‌ بێمه‌وه زمانی گڕ ئه‌هێنمه‌وه‌ بۆلاڵه‌کان/ شاپه‌ڕی گڕ ئه‌هێنمه‌وه / بۆ فڕنده‌ بێ باڵه‌کان/ ئه‌گه‌ر ئه‌مجاره‌ بێمه‌وه/ ناهێڵم لاوان گوڵ بچنن/ بۆ گوڵدانی مردووی سه‌ر مێز/ فێریان ئه‌که‌م که‌ چوونه‌ ژوان/ له‌ به‌رۆکی کچانی ده‌ن پێش ئه‌وه‌ی بیانگرنه‌ ئامێز/ ئه‌گه‌ر ئەمجارە بێمەوە

شەو ڕاشکا … لەبەر دەرگا/ عەبدوڵا پەشێو

2011/10/26

شەو ڕاشکا
ئەژنۆم شل بوو
مانگ بە تاقی ئاسمانەوە هەڵپروچکا
دەرگەکەتم لێ بکەوە
ئەمشەو هاتووم
بۆ چنینی
چەپکە نێرگزێکی چاوت
بۆ وچانێ
بۆ خەونێ، تۆزە گریانێ
لەسەر هەوری قژی خاوت

(more…)

له‌ روخساری شێعر گه‌ڕێن،خه‌مخواری کورد/ عەبدوڵا پەشێو

2011/10/26

له‌ روخساری شیعر گه‌ڕێن، خه‌مخواری کورد
تا کرێت و ناشیرین بێ ڕوخساری کورد
منداڵ و شێت ڕاستگۆن…منیش…
منداڵێکی سه‌ر سپیم و
سه‌رشێتێکی لاساری کورد
زارم شیعری پێدا نایێ…له‌ هه‌ژمه‌تی
ورگ و قه‌ڵه‌م چاو شۆڕانی ده‌رباری کورد
وه‌ک کاولی چه‌قه‌نه‌یان هه‌دا نادا
بۆ گه‌مبۆڵ و جه‌للادانی قۆچداری کورد

(more…)

به‌رجه‌سته‌كردن/ عەبدوڵا پەشێو

2011/10/23

پێش بوونی من
ملیۆنه‌ها ئافره‌ت هه‌بوون:
به‌ له‌شولار، به‌ ڕه‌نگوڕوو، – جیاجیا…
به‌ سه‌راپای پڕ هێماو كۆد
به‌ گه‌رمایی و تامی ته‌زوو – جیاجیا…
دوای كشانی ئه‌ستێره‌شم
ملۆنه‌ها نازداری تر دێنه‌ دنیا

(more…)

ئەگەر هاتی، تەنیا وەرە/ عەبدوڵا په‌شێو

2011/10/11

ئه‌گه‌ر هاتی ته‌نیا وه‌ره‌
ئه‌و بارانه‌ په‌ستم ئه‌کا
که‌ ره‌شه‌بای له‌ گه‌ڵا بێ
په‌ست ده‌بم
به‌و گوڵه‌ گه‌نمه‌ ی
له‌گه‌ڵ ژه‌نگا په‌نجه‌یان تێک هه‌ڵکێشابێ

دەزگیرانم/ عەبدوڵا پەشێو

2011/09/28

دەزگیــــرانم کۆترێکی دیاربەکرە/ حەزی لە چیا و قاسپەی کەو و ڕەنگی بەفرە/ بۆ گواستنەوەی/ زەنجیرەی چیام قەف قەف بڕی/ ڕۆژ ژمێرم پەڕ پەڕ دڕی/ پەساپۆڕتم/ ئاوات و زەردەخەنە بوو/ کلدان وکیسێک خەنە بوو/ کە لە دەرگای سنوورم دا/ لەباتی ماچ/ ماچی گەرمی دەزگیرانم/ تفی زەردی پۆستاڵ ڕەشیک/ هاتی سواخی دا ناوچاوانم

پەشێو

2011/09/08

کیژۆڵەی دڵگیر ، ئەی لە خۆبایی،
بۆچی دەمکوژیت بە ناڕەوایی؟
بۆچی دڵرەقی بەرامبەر بەمن،
کە بتپەرستم هەتاکوو مردن؟
دەزانم بۆچی دڵ پر لەقینی ،
لە چەقی رێگەش هەرگیز نامبینی:
چونکە دڵپاک و وەفادارم بۆت
شەوانی تاریک بە ئازارم بۆت

(more…)

سەدان ساڵە/ عەبدوڵڵا پەشێو

2011/09/04

سەدان ساڵە
لە وێرانە ماڵی خۆمدا
كتكە كۆرەی گۆشەی مەتبەقی سولتانم
سەدان ساڵە
حەوشو بەرەی خۆم واڵایەو
لەبەر دەرگەی دزانی خۆم پاسەوانم.
سەدان ساڵە
رۆژێك دەبم
بە مەیتەری والی بەغدا
رۆژێك لە تاران كوتالم
رۆژێك لیفكەم
پشتی ژنی سولتان دەشۆم ،
رۆژێك گەسكم شام دەمالم!

(more…)

بـــۆ کچـــــێکــی کــــاڵ/ عەبدوڵڵا پەشێو

2011/09/02

له‌ دووره‌وه،‌ ناوت بیستووم
ناشاره‌زا .. خۆشت ویستوم
گوایه‌ له‌گه‌ڵ شیعره‌کانما،
زۆر ژیاوی
شه‌وه‌های شه‌و،
ته‌زووی شیرینیان پێ داوی
نه‌تناسیوم!
بڕوابکه‌، نه‌تناسیوم
ئه‌و جیهانه‌ی، تۆ ئه‌ته‌وێ
هه‌رگیز..لای من، ده‌ست ناکه‌وێ

(more…)